by Danesh Edirisooriya | May 19, 2019 | Spectacles
මීට වසර 3කට පෙර මිය පරලොව යන්නට යෙදුනාවූ Sarathchandra Rajamuni මහතාගේ ආදරණීය පුතණුවන් Sathyajith Rajamuni අයියා සහ ආදරණීය ලේලිය Kushi Ratnayake විසින් ඔහු හට පිං පැමිණවීම උදෙසා පින්දහම් රාශියක් සිදුකරනු ලැබුවා. ඒ අනුව වියපත් පියෙක්ට ඇස් කණ්නාඩි ලබා දීමද සිදු කලා. ඒ තාත්තා නොසැහෙන්න පිං දුන්නා.
මැදවච්චිය දුෂ්කර ගමක පදිංචි වකුගඩු රෝගයෙන් පෙළෙන මේ පියාණන්ට මෙලෙස අක්ෂි පරික්ෂා කොට සුදුසු ඇස් කණ්නාඩි ලබා දුන්නා. මේ තාත්තාට ඇස් වල පෙනීමේ අඩුවක් කලක පටන්ම තිබුණත් කණ්නාඩි දෙකක් හදාගන්න යන වියදම දරාගන්න බැහැ. වයසට යන ඕනම කෙනෙක්ගෙ ටිකෙන් ටික ඇස් පෙනීම දුර්වල වෙනවා කියලා අපි හැමෝම දන්නවනේ. ඒ කාලෙට ඉතින් බණ පොතක්වත් කියවන්න නම් කණ්නාඩි දෙකක් ඕනමයි. ඒත් මේ වගේ අසරණ තාත්තලාට ඒකට අවස්ථාවක් නැහැ. ඒ අයගේ දරුවන්ට උනත් කණ්නාඩි දෙකකට යන වියදම දරන්න තරම් ආදායමක් නැහැ. ඉතින් මේ තාත්තලා ඇහෙන බණ පදයක් අහගන්නවා ඇරෙන්න පොත් බලන්න යන්නෙ නෑ. හදිසියේ පොඩි දෙයක් හරි කියවන්න ඕන උනොත් ඉතින් කාගෙ හරි පිහිටක් ඕන වෙනවා අකුරු පේන්නෙ නැති නිසා. ඒත් දැන් මේ තාත්තාට ඒ ප්රශ්නය නැහැ. අපි සරත්චන්ද්‍ර මහතාට පිං පිණිස මේ තාත්තාට පෙනීම අරන් දුන්නා.
ඒ ලැබුන පෙනීමෙන් මේ තාත්තා ධර්මය කියවන්න දකින්න ලැබෙන එකම බොහෝම උතුම් පුන්‍යකර්මයක්. ඒ ජීවිත වලට ආලෝකය දුන්නා හා සමානයි.
මේ වියපත් පියාගේ ජීවිත මෙසේ එළි කළා සේම ඔබලාගේ පියාණන් යම් ආත්මභාවයක් ලබා ඇත්නම් ඒ ජීවිතයද ආලෝකමත් වේවා…. සැපයෙන් සැපයට පත් වේවා… ධර්මයේ සුවය පිහිට නිරතුරුවම ලැබීමටත් ඒ තුළින් අවසානයේ උතුම් වූ නිර්වාණාවබෝධය ලැබීමටත් මේ කුසලය ආශිර්වාදයක්ම වේවා… මොනයම් හෝ හේතුවක් නිසාවෙන් දුක් ඇති ආත්මභාවයක් ලබා ඇත්නම් වහා ඉන් මිදී සැපවත් ආත්මභාවයක් ලබා අනේක පින් රැස් කොට උතුම් නිර්වාණාවබෝධය ලැබීමට හැකියාව ලැබේවා…
එමෙන්ම මෙම උතුම් පුණ්‍යකර්මය සඳහා දායකත්වය දක්වා සිදු කරගත්තාවූ කුසලානිසංසයේ බලයෙන් අයියා, අක්කා ඇතුලු පවුලේ සැමට නිදුක් නීරෝගී වාසනාවන්ත දිවියක් උදා වේවා…. ලෙඩ දුක් රෝග පීඩා කිසිවක් නොම වේවා… කරන කියන සිතන පතන සෑම කටයුත්තක්ම ඒ අයුරින්ම ඉටු වේවා… රැකී රක්ෂා මෙන්ම දරුවන් සිටීනම් ඔවුන්ගේ අධ්‍යාපන කටයුතු සියල්ලක්ම සර්වප්‍රකාරයෙන්ම සාර්ථක වේවා…. තව බොහෝ පින් දහම් සිදු කරමින් අවසානයේ උතුම් වූ නිර්වාණාවබෝධය ලැබීමටද ඔබ සියළු දෙනාටම හැකියාව ලැබේවා…
Donor : Kushi Ratnayake
Death Anniversary : May 19
Project ID :
by Danesh Edirisooriya | Apr 25, 2019 | Facebook Posts
ගොඩක් වෙලාවට ෆේස්බුක් ඉන්න අය විතරයි මගේ දුරකතන අංකය දන්නේ. මම සමාජසත්කාර වැඩසටහනක් කරනවා කියලා, අසරණ මිනිස්සුන්ට උධව් කරනවා කියලා. ෆේස්බුක් සහ මම ගිය ගම් වල සමහර ගෙවල් විතරයි දන්නේ… ඒත් රටේ ප‍්‍රශ්න තියෙන කී දෙනෙක් ඉන්නවාද?
මට ඕන ලංකාවේ අන්ත, අසරණ, දුප්පත් කෙනෙක්ට ප‍්‍රශ්නයක් ඇති වුනහම කෙළින්ම ‘‘ධනේෂ් පුතාට කීවනම් හරි’’ කියන තත්වය හෝ 0703366488 අංකයට කතා කරන තත්වයට පත්වෙන්න.
මම ගොඩක් ප‍්‍රශ්න දකින්නේ ගමේ ගෙයක් ගෙක් ගානේ මම යන නිසා.
ඒත් ගමට යන්න කලින් මට ගමේ ප‍්‍රශ්න දැනගන්න පුළුවන්නම්. මගේ ආයතනය ලියාපදිංචියෙන් පසු මට ඇතිවූ ප‍්‍රතිලාභීන්ගෙන් අත්සන් ගැනීම, ග‍්‍රාම නිළධාරීන්ගෙන් අවසර ගැනීම, දැනුවත් කිරීම වැනි දේවලට අළුත් අදහසකින් විසඳුමක් අපට ලබාදෙන්න පුළුවන්නම්… මගේ උදව් කිරීමේ පරාසය තවත් වැඩිදියුණු කරන්න පුළුවන්නම්…
උත්තරය ‘‘පුළුවන්’’
Project Solutions | Introducting “Solution Box”
(Public Complaint Box)
මගේ බලාපොරොත්තුව මේ “Solution Box” එකක් සෑම ගමකම හෝ ග‍්‍රාම නිළධාරී කොට්ඨාශයකම හෝ වෙනත් පහසු විදිහකට පහසු ආකාරයට පිහිටවන්න. ගමේ වගකවයුතු පුද්ගලයෙක් මසකට වරක් මෙහි ඇති ගමේ අසරණ පවුල් වල ප‍්‍රශ්න ඇතුලත් ලිපි තැපෑලෙන් මා වෙත යොමු කරනවා. මම අකමැතිම කාරණය ලියුම් කියවීම සහ කඩදාසි භාවිතය වුණත් දැනට ගම් වලට මේ සඳහා විසඳුමක් ලබාදිය නොහැකි නිසා මේ ක‍්‍රමය යොදාගන්නවා. මෙයට දමන සෑම ලියුමක්ම ග‍්‍රාම නිළධාරී විසින් සහතික කර එවිය යුතුය. එවිට යම් දිනක මා මේ ගම යන විට ගමේ සම්බන්ධීකරන කටයුතු කරන පුද්ගලයා සමග ලැබී ඇති ලිපි පිළිබඳ සාකච්ඡා කර ඒවා සත්‍යනම් ඒවාට අවශ්‍ය ආධාරද රැගෙන මට ඒ ගමට සෙනෙහසේ චාරිකාවක් යන්න පුළුවන්. එවිට ගමේ ග‍්‍රාම නිළධාරී මහතාගේ සහයද මට ලැබේවි. ඔහු හරහා ප‍්‍රාදේශීය ලේකම් කාර්යාලයේ සනාථ කිරීමේ ලිපියක්ද ලබාගත හැක.
සාමාන්‍ය සෙනෙහසේ චාරිකාවක් වගේම වුවත් මෙහිදී මා සූදානම් වී යාම එහි ඇති විශේෂත්වයයි.
මෙහි පළමුවෙනි අදියර මා අද බදුල්ල දිස්ත‍්‍රික්කයේ, හපුතලේ ප‍්‍රාදේශීය ලේකම් කොට්ඨාශයේ, දියතලාව, ඇල්ලගම ග‍්‍රාමයේ පළමුවෙනි “Solution Box” එක පිහිටුවනු ලැබුවා. ඔබ මේ දකින්නේ ගමේ අසරණ කාන්තාවක් විසින් එයට අයගේ දුක්ගැනවිල්ල ඇතුළත් කරන ආකාරයයි.
නමුත් මෙයට දමන සෑම ලිපියකටම අපට උදව් කරන්න බැහැ. මන්දයත් රෝදපුටු අවශ්‍ය අන්ත අසරණ දුප්පත් අය ගැන දැනුවත් කරන්න යැයි මා දැමූ පොස්ට් එකට අද වන විට ඇමතුම් 1000ට වැඩි ප‍්‍රමාණයක් ලැබී ඇත. නමුත් ඒ කිසිවෙක් අන්ත අසරණ දුප්පත් අය නෙවේ. මං ඒ ගැන පැහැදිලි කරන විට ඒ අය පවසන්නේ ‘‘ආ… මේ අපිනම් නැති බැරි අය නෙමේ.. අපිට තියෙනවා, නිකම් රෝදපුටු දෙනවා කියලා දාලා තිබ්බ නිසා කතාකලේ’’ යනුවෙනි… ඉතිං මාගේ වටිනා කාලය මං නාස්ති කරන්න කැමති නැහැ… ඒක නිසා මේ “Solution Box” එකට දමන ලිපි වලින් අන්ත අසරණ දුප්පත් අයගේ දැවෙන ප‍්‍රශ්න පමණක් සලකා බලා උදව් කිරීමට බලාපොරොත්තු වේ…
ඒවාගේම වෘත්තියෙන් පරිගණක මෘදුකාංග හා රොබෝ තාක්‍ෂණික උපාංග නිර්මාණය කරන මාගේ ඊලග අදියර වන්නේ මෙය ස්වයංක‍්‍රීය ටර්මිනලයක් බවට පත් කිරීමයි. මෙවැනි කඩදාසි පෙට්ටියක් වෙනුවට පරිගණක තිරයක් සහිත ටර්මිනලයක් සෑම ගමකම හෝ හැකි ප‍්‍රදේශ වල සවි කිරීමට බලාපොරොත්තු වේ. එය කෘතිම බුද්ධියක් මගින් පාලනය වන අතර සරළව කිවහොත් අන්තර්ජාලය හරහා වීඩියෝ ඇමතුමක් ලෙස පණිවිඩ එවිය හැකි උපාංගයකි. එයට සිංහල සහ දෙමළ භාෂාව හඳුනාගත හැකි අතර එයට ප්රශ්නය යොමු කිරීමෙන් පසු එහි ප‍්‍රශ්න තෝරාගැනීමේ පද්ධතිය හරහා අපට උදව් කල හැකි ප‍්‍රශ්න පමණක් තෝරා මා වෙත වීඩියෝ පණිවිඩයක් ලෙස එවනු ලබයි. එයට අපි හැකි ඉක්මනින් විසඳුමක් ලබාදෙන බවද ඒ අවස්ථාවේම ඒ පුද්ගලයාට දැනුම් දෙනු ලැබේ. එය අපගේ උදව් කිරීමේ කාණ්ඩයට ඇතුළත් නොවන ප‍්‍රශ්නයක් නම් එම මොහොතේම ‘‘සමාවන්න, ඔබගේ ප‍්‍රශ්නයට අපගේ ආයතනය හරහා උදව් කල නොහැක’’ යන්න පවසාවි.
An automated Complaint Reporting Terminal which uses Artificial Intelligence Technology to Select the right problems and report it to me while intelligently discarding the rest of Complaints. This will be done basically via a VOIP system (Soft Phone) operated by an Artificial Intelligent Program. The Terminal can understand both Sinhala & Tamil languages.
If I can build this Software, වැරදුනා… මං මේ සොෆ්ට්වෙයාර් එක හදලා ඉවරවුනහම එක ටර්මිනල් එකකට යන්නේ රු.10,000ක් වැනි මුදලක්… හැබැයි ඉතිං ටර්මිනල් වලට වියදම් කරන්න අවශ්‍යත් නැහැ එය කෙලින්ම PABX System එකකට යොමුකරන්න පුළුවන්නම් කෙනෙක්ට තියෙන්නේ දුරකතන ඇමතුමක් දීලා ස්වයිංක‍්‍රීය ඇමතුම් පද්ධතියට ඔවුන්ගේ ප‍්‍රශ්න යොමු කරන එක. එතකොට අපට තියෙන්නේ ගමේ පෝස්ටරයක් අලවන එක විතරයි.
ඔන්න මං ඒ වැඩසටහනේ බීටා ටෙස්ට් එකත් දැන් කරනවා. ඔබගේ ප‍්‍රශ්න වලට මා පිළිතුරු නොදී ප‍්‍රශ්න පමණක් මා වෙතට යොමු කරන්න පහත ක‍්‍රමය භාවිතා කරන්න.
තරු සළකුණ (*) සහ 0703366488 දුරකතන අංකය ඇතුළත් කර ඇමතුමක් ගන්න. උපදෙස් පිළිපදින්න.
eg : *0703366488 > Dial
Photographs used for Promotional Purposes Only!
ප‍්‍රශ්නේ ලංකාවේ කොහේ වුනත්, DIAL කරන්න 0703366488 (One Call | Does All)
by Danesh Edirisooriya | Apr 22, 2019 | Disabled Person
මාගේ ෆේස්බුක් මිතුරෙක් වන Waruna Masinghe අයියත් ඔහුගේ මිතුරන් වන Ranga Kalupahana සහ Udayanga Vitharana (Batch mates from engineering faculty මොරටුව) එකතුව පිංකමක් කලා. ඒ තමයි ආබාධිත කාන්තාවකට රෝද පුටුවක් පරිත්‍යාග කිරීම.
වයස අවුරුදු 41ක් වන නිලූකා කුමාරි නමැති මැය හදිසියේ ඇතිවූ අංශභාග තත්වයක් නිසා එක්තැන් වෙලා. ඡායාරූප වල ඇය සමඟ සිටින්නේ ඇයගේ ස්වාමිපුරුෂයා. ඔහු තමයි ඇයව බලාගන්නේ. වයස අවුරුදු 20ක පමණ පුතෙකුත් ඉන්නවා. ඇටවීරගොල්ලෑව, හිරල්ලුගම කියන ගමේ ඉන්නේ. අසරණ පවුලක්.
ඔවුන් නොසෑහෙන්න පිං දුන්න. ඒ හැම ආශිර්වාදයකම හිමිකරුවන් ඔබ තිදෙනායි.
වරුණ අයියා මේ පරිත්‍යාගය කලේ වාද්දුව මාවල පදින්චිව සිටි කරොලිස් මහතාට පින් පිණිස. මේ පිං බලෙන් ඔහු දුක් ඇති ආත්මයක ඉපදී ඇත්නම් සැපවත් ආත්මයක ඉපදීමටත්, සැපවත් ආත්මයක ඉපදී ඇත්නම් ඒ සැප වඩ වඩාත් වැඩි දියුණු වීමටත් හේතු වාසනා වේවා.
අසරණ වී සිටින අයෙක් වෙනුවෙන් රෝදපුටුවක් පරිත්‍යාග කරමින් මේ රැස් කරගත්තාවූ කුසලයේ ආනිසංසයන් ඔබ තිදෙනාගේ දෙමාපියන්ටත් පවුලේ අනෙක් සියලුම දෙනාටත් නිදුක් නීරෝගී වාසනාවන්ත දිවියක් උදා වේවා…. සතුට සැනසුම සෞභාග්‍යය නිරන්තරයෙන්ම ඔබ සැමගේ ජීවිත වලට ලැබේවා…. කරන කියන කටයුතු සියල්ලක්මත් පතන පැතුමන් සියල්ලක්මත් ඒ අයුරින්ම ඉටු වේවා….
මේ පිංකමට ශ්‍රම දායකත්වය දැක්වූ ලහිරු මල්ලීටත් බොහොමත්ම පිං.
Donor : Waruna Masinghe, Ranga Kalupahana, Udayanga Vitharana
Project ID : 2019-MAR-0092
by Danesh Edirisooriya | Apr 21, 2019 | Disabled Person
Kavindu De Costa මිතුරාට අවශ්‍ය වුණා අසරණ ආබාධිත වැඩිහිටියෙක්ට පිහිට වෙන්න. ඉතිං අපි සති කිහිපයකට කලින් මැදවච්චිය, ඇටඹගස්කඩ ඉන්න අවුරුදු 75ක් වයසැති ජී. කලුහාමි අම්මට රෝද පුටුවක් පරිත්‍යාග කලා. ඇය වැටිලා උකුල් ඇටය කැඩිලා දැන් අවුරුදු 12ක් තිස්සේ එක්තැන් වෙලා ඉන්නේ. ඒත් ඒ අම්මට වැසිකිළියටවත් යාගන්න අපහසු නිසා කොමඩ් එකක් සහිත රෝද පුටුවක් අවශ්‍ය වුණා. එම නිසා අපි වෙනත් දායකයකු මාර්ගයෙන් ඒ අම්මාට නව රෝද පුටුවක් පරිත්‍යාග කර ඒ අම්මාට පරිත්‍යාග කල රෝද පුටුව නැවතත් වෙන අම්මා කෙනෙක්ට පරිත්‍යාග කලා.
මේ අම්මගේ නම ඩබ්ලිව්. සීලවතී. වයස අවුරුදු 80යි. අංශභාගය හැදිලා ඉන්නේ. ඇටවීරගොල්ලෑව, පාඩිග්ගම කියන ගමේ ඉන්නේ. ගොඩක් අසරණ අම්මා කෙනෙක්. ඒ අම්මා සහ දරුවන් නොසෑහෙන්න පිං දුන්නා. සතුටට ඇඬුවා ඒ අම්මා…
මෙලෙස අසරණ වී සිටින අයෙක් වෙනුවෙන් රෝදපුටුවක් පරිත්‍යාග කරමින් මේ රැස් කරගත්තාවූ කුසලයේ ආනිසංසයන් ඔබටත් පවුලේ අනෙක් සියලුම දෙනාටත් නිදුක් නීරෝගී වාසනාවන්ත දිවියක් උදා වේවා…. සතුට සැනසුම සෞභාග්‍යය නිරන්තරයෙන්ම ඔබ සැමගේ ජීවිත වලට ලැබේවා…. කරන කියන කටයුතු සියල්ලක්මත් පතන පැතුමන් සියල්ලක්මත් ඒ අයුරින්ම ඉටු වේවා… මේ පුණ්‍ය කර්මය නිර්වාණ සම්පත්තියටද හේතු වාසනා වේවා.
මේ පිංකමට ශ්‍රම දායකත්වය දැක්වූ ලහිරු මල්ලීටත් බොහොමත්ම පිං.
Donor : Kavindu De Costa (Manela Karunadasa)
Project ID : 2019-JAN-0037
by Danesh Edirisooriya | Apr 16, 2019 | Stationary Donation
මාගේ ෆේස්බුක් මිතුරෙක් වන Yudara Bernard Weerakoon අයියා සහ Lanka Ekanayake අක්කාට අවශ්‍ය වුණා ඔවුන්ගේ ආදරණීය දියණියගේ (ආන්යා ඇව්රිල් වීරකෝන්) 3වැනි උපන්දිනය සමරමින් අසරණ දරුවන්ට පාසල් උපකරණ පරිත්‍යාග කරන්නට.
අධික වියදම් දරමින් සමරන උපන්දින සාද තුළ රැඳෙන සතුට මෙන් නොව මෙවන් දරුවන්ට උපකාර වෙමින් සමරන උපන්දිනයකින් දරුවෙක්ට ලැබෙන ආශිර්වාදය අතිමහත්. දිළිඳුකමින් පීඩා විඳිමින් ඉගෙනීම් කටයුතු සිදු කරන මේ දරුවන්ට මෙලෙස ඔබගේ පිහිටක් සහයෝගයක් ලැබීම ජීවිතේ දිනන්නට ඔවුනට ලැබෙන මහඟු පිටුවහලක්. දවසේ එක වේලක් වෙනුවෙන් සටනක යෙදෙන මේ දරුවන්ගේ දෙමාපියන්ට පාසල් උපකරණ වෙනුවෙන් වියදම් කරන්නට තරම් ප්‍රමාණවත් ආදායමක් ලැබෙන්නෙ නැහැ. ඉතින් මේ දරුවන්ට අළුත් පාසල් උපකරණ මිලදී ගන්න එක හැම මොහොතකම හීනයක්. මේ පුංචි දරුවන්ගේ ඒ හීනය සැබෑ කරමින් දෙමාපියන්ගේ හිත් වලට සහනයක් ගෙන එමින් ඔබේ දියණියගේ උපන්දිනය වෙනුවෙන් මේ සිදුකළ සත්ක්‍රියාව ඉතාමත් වටිනවා.
දුක් කරදර මැද ජිවත් උනත් පුංචි මල් වගේ ඉන්න මේ දරුවන්ගේ හිත් වල පිරුණ සතුට ඔබටත් පේනවා ඇති. බලන්න ඒ දරුවෝ අපිව පිළිගත්ත ලස්සන…
මේ සතුට ඔවුන් වෙත ළඟා කරදී ඔබ දෙපළත් උපන්දිනය සමරන ඔබ දෙපළගේ සිඟිති දියණියත් මේ රැස් කරගත්තාවූ කුසලයේ ආනුභාවයෙන් සතුට සැනසුම නිරතුරුවම රැඳේවා… නිදුක් නීරෝගී සුවය ලැබේවා… පිනැති දුවෙකු සේ දැනුමින් ගුණ නුවනින් වැඩෙන්නට ආන්යා දුවට මේ කුසලය ආශිර්වාදයක්ම වේවා… කුඩා අවධියේ පටන්ම උපන්දිනය අර්ථවත් ලෙස සමරන්නට උගන්වමින් නිවැරදි මඟ පෙන්වා දෙන ඔබ දෙපළටත් තව තවත් කුසල් රැස් කර ගැනීමට හැකියාව ලැබේවා… මේ සිදු කරගත්තාවූ කුසලයේ සසර කෙළවර නිවන් සුව පිණිසඳ හේතු වාසනා වේවා…
සුබ උපන්දිනයක් ආන්යා දුවේ….
Donor : Yudara Bernard Weerakoon
Birthday : April 16
Project IDs : 2019-APR-0133
