by Danesh Edirisooriya | May 19, 2019 | Spectacles
මීට වසර 3කට පෙර මිය පරලොව යන්නට යෙදුනාවූ Sarathchandra Rajamuni මහතාගේ ආදරණීය පුතණුවන් Sathyajith Rajamuni අයියා සහ ආදරණීය ලේලිය Kushi Ratnayake විසින් ඔහු හට පිං පැමිණවීම උදෙසා පින්දහම් රාශියක් සිදුකරනු ලැබුවා. ඒ අනුව වියපත් පියෙක්ට ඇස් කණ්නාඩි ලබා දීමද සිදු කලා. ඒ තාත්තා නොසැහෙන්න පිං දුන්නා.
මැදවච්චිය දුෂ්කර ගමක පදිංචි වකුගඩු රෝගයෙන් පෙළෙන මේ පියාණන්ට මෙලෙස අක්ෂි පරික්ෂා කොට සුදුසු ඇස් කණ්නාඩි ලබා දුන්නා. මේ තාත්තාට ඇස් වල පෙනීමේ අඩුවක් කලක පටන්ම තිබුණත් කණ්නාඩි දෙකක් හදාගන්න යන වියදම දරාගන්න බැහැ. වයසට යන ඕනම කෙනෙක්ගෙ ටිකෙන් ටික ඇස් පෙනීම දුර්වල වෙනවා කියලා අපි හැමෝම දන්නවනේ. ඒ කාලෙට ඉතින් බණ පොතක්වත් කියවන්න නම් කණ්නාඩි දෙකක් ඕනමයි. ඒත් මේ වගේ අසරණ තාත්තලාට ඒකට අවස්ථාවක් නැහැ. ඒ අයගේ දරුවන්ට උනත් කණ්නාඩි දෙකකට යන වියදම දරන්න තරම් ආදායමක් නැහැ. ඉතින් මේ තාත්තලා ඇහෙන බණ පදයක් අහගන්නවා ඇරෙන්න පොත් බලන්න යන්නෙ නෑ. හදිසියේ පොඩි දෙයක් හරි කියවන්න ඕන උනොත් ඉතින් කාගෙ හරි පිහිටක් ඕන වෙනවා අකුරු පේන්නෙ නැති නිසා. ඒත් දැන් මේ තාත්තාට ඒ ප්‍රශ්නය නැහැ. අපි සරත්චන්ද්‍ර මහතාට පිං පිණිස මේ තාත්තාට පෙනීම අරන් දුන්නා.
ඒ ලැබුන පෙනීමෙන් මේ තාත්තා ධර්මය කියවන්න දකින්න ලැබෙන එකම බොහෝම උතුම් පුන්‍යකර්මයක්. ඒ ජීවිත වලට ආලෝකය දුන්නා හා සමානයි.
මේ වියපත් පියාගේ ජීවිත මෙසේ එළි කළා සේම ඔබලාගේ පියාණන් යම් ආත්මභාවයක් ලබා ඇත්නම් ඒ ජීවිතයද ආලෝකමත් වේවා…. සැපයෙන් සැපයට පත් වේවා… ධර්මයේ සුවය පිහිට නිරතුරුවම ලැබීමටත් ඒ තුළින් අවසානයේ උතුම් වූ නිර්වාණාවබෝධය ලැබීමටත් මේ කුසලය ආශිර්වාදයක්ම වේවා… මොනයම් හෝ හේතුවක් නිසාවෙන් දුක් ඇති ආත්මභාවයක් ලබා ඇත්නම් වහා ඉන් මිදී සැපවත් ආත්මභාවයක් ලබා අනේක පින් රැස් කොට උතුම් නිර්වාණාවබෝධය ලැබීමට හැකියාව ලැබේවා…
එමෙන්ම මෙම උතුම් පුණ්‍යකර්මය සඳහා දායකත්වය දක්වා සිදු කරගත්තාවූ කුසලානිසංසයේ බලයෙන් අයියා, අක්කා ඇතුලු පවුලේ සැමට නිදුක් නීරෝගී වාසනාවන්ත දිවියක් උදා වේවා…. ලෙඩ දුක් රෝග පීඩා කිසිවක් නොම වේවා… කරන කියන සිතන පතන සෑම කටයුත්තක්ම ඒ අයුරින්ම ඉටු වේවා… රැකී රක්ෂා මෙන්ම දරුවන් සිටීනම් ඔවුන්ගේ අධ්‍යාපන කටයුතු සියල්ලක්ම සර්වප්රකාරයෙන්ම සාර්ථක වේවා…. තව බොහෝ පින් දහම් සිදු කරමින් අවසානයේ උතුම් වූ නිර්වාණාවබෝධය ලැබීමටද ඔබ සියළු දෙනාටම හැකියාව ලැබේවා…
Donor : Kushi Ratnayake
Death Anniversary : May 19
Project ID :
by Danesh Edirisooriya | Apr 14, 2019 | Spectacles
Lakma Ranasinghe නංගිගේ උපන්දිනය වෙනුවෙන් ඇයට විශේෂ පිංකමක් කරන්න අවශ්‍ය වුණා. ඒ සඳහා ඇය පිංකම් කිහිපයක් සිදුකලා. ඒ අතර මවකට උපැස් යුවලක් සහ සීයා කෙනෙක්ට සරමක් පරිත්‍යාග කිරීමක්ද සිදුකලා.
මේ මවට ඇස් වල පෙනීමේ අඩුවක් කලක පටන්ම තිබුණත් කණ්නාඩි දෙකක් හදාගන්න යන වියදම දරාගන්න බැහැ. වයසට යන ඕනම කෙනෙක්ගෙ ටිකෙන් ටික ඇස් පෙනීම දුර්වල වෙනවා කියලා අපි හැමෝම දන්නවනේ. ඒ කාලෙට ඉතින් බණ පොතක්වත් කියවන්න නම් කණ්නාඩි දෙකක් ඕනමයි. ඒත් මේ වගේ අසරණ අම්මලාට ඒකට අවස්ථාවක් නැහැ. ඒ අයගේ දරුවන්ට උනත් කණ්නාඩි දෙකකට යන වියදම දරන්න තරම් ආදායමක් නැහැ. ඉතින් මේ අම්මලා ඇහෙන බණ පදයක් අහගන්නවා ඇරෙන්න පොත් බලන්න යන්නෙ නෑ. හදිසියේ පොඩි දෙයක් හරි කියවන්න ඕන උනොත් ඉතින් කාගෙ හරි පිහිටක් ඕන වෙනවා අකුරු පේන්නෙ නැති නිසා. ඒත් දැන් මේ අම්මට ඒ ප්‍රශ්නය නැහැ. මන්ද අපි මේ අම්මට පෙනීම අරන් දුන්නා.
ඒ ලැබුන පෙනීමෙන් මේ අම්මලාට ධර්මය කියවන්න දකින්න ලැබෙන එකම බොහෝම උතුම් පුන්‍යකර්මයක්. ඒ ජීවිත වලට ආලෝකය දුන්නා හා සමානයි.
මේ ගම්වල ඉන්න අම්මලාට කණ්නාඩියක වැඩි වටිනාකම තියෙන්නේ ගෙදර දොරේ සහ ගොවිතැන්, කුළී වැඩ කරගන්නකොටයි. ඉතිං මේ අම්මා පිං දුන්නේ ඒ ගැන කියලා.
ඒ වගේම සරමක් පරිත්‍යාග කිරීම ගැන මේ තාත්තත් නොසෑහෙන පිං දුන්නා. මන්ද දරුවෙක් වුනත් මේ වැඩිහිටියන්ට අලුත් ඇඳුමක් අරන් දෙන්නේ කලාතුරකින්.
මේ සතුට ඔවුන් වෙත ළඟා කරදී උපන්දිනය සමරන ඔබ විසින් මේ රැස් කරගත්තාවූ කුසලයේ ආනුභාවයෙන් ඔබටත් ඔබේ දෙමාපියන්ටත් පවුලේ සෑම සියළු දෙනාටත් සතුට සැනසුම නිරතුරුවම උදා වේවා… නිදුක් නීරෝගී සුවය ලැබේවා… කරන කියන රැකීරක්ෂා අධ්‍යාපන කටයුතු වේ නම් ඒ සියල්ල දිනෙන් දින වර්ධනය වේවා…. සිතන පතන යම් පැතුමක් කරන කියන යම් කටයුත්තක් වේ නම් ඒ සියල්ල සර්වප්රකාරයෙන්ම සාර්ථක වේවා. මෙසේ සසර පුරාවටම බොහෝ කුසල් රැස් කර ගැනීමට හැකියාව ලැබේවා… මේ සිදු කරගත්තාවූ කුසලය සසර කෙළවර නිවන් සුව පිණිසද හේතු වාසනා වේවා….
සුභ උපන්දිනයක් නංගී…
by Danesh Edirisooriya | Aug 9, 2018 | Spectacles
Shanika Abeysooriya නංගී මේ තාත්තාට ඇස් කණ්නාඩියක් පරිත්‍යාග කරන්න දායක වුණා. ඔහු රෝගී තත්වයෙන් පසුවන කෙනෙක්.
ඇස් කණ්නාඩියක් පරිත්‍යාග කර ඒ ලැබුන පෙනීමෙන් මේ තාත්තාට ධර්මය කියවන්න දකින්න ලැබෙන එකම බොහෝම උතුම් පුන්‍යකර්මයක්. ඒ ජීවිත වලට ආලෝකය දුන්නා හා සමානයි.
ඔබ මේ කලාවූ පුණ්‍යකර්මය හේතුවෙන් ඔබගේ අනාගතය සර්වප්රකාරයෙන්ම සාර්ථක වේවා. අධ්‍යාපන කටයුතු, රැකියාව, ඉදිරි විවාහ ජීවිතය සාර්ථක වේවා. මතු ඉපදෙනා සෑම ආත්මයකදීම සැපවත් ආත්මයක් ලැබේවා… මේ පුණ්‍යකර්මය නිර්වාණ සම්පත්තියටද හේතුවාසනා වේවා. දැකබලා සතුටුවන ඔබටද මේ පිංකම අනුමෝදන් වෙත්වා.
by Danesh Edirisooriya | Feb 28, 2018 | Spectacles
ෆේස්බුක් මිතුරියක් වන Jayani Madhi Prasadika අක්කා විසින් ඇගේ සිඟිති දියණිය Dinuli Thisathna Premathilaka ගේ තුන්වන උපන්දිනය වෙනුවෙන් (2017) පාසල් යන වයසේ පුතෙකුට ඇස් කණ්ණාඩි ලබා දුන්නා. වයස අවුරුදු 7 ක් වයස ගීනුක පුතා ඉන්නේ දියතලාවේ. මේ පුතාගේ ඇස් පෙනීමේ දුර්වලතාවයක් තිබෙන බව හඳුනාගැනීමෙන් පසු වෛද්‍යවරයෙක් ලවා පරික්ෂා කොට සුදුසු කාච තීරණය කිරීම සිදු කළා. ඇස් කණ්නාඩිය සෑදීමට භාරදී දරුවාට එය ලබාදීමට සති කිහිපයක් ගතවුණා. ඒ ඇස් කණ්නාඩිය දරුවාට ලබාදීමෙන් පසු ගීනුක පුතා ගොඩක් සතුටු වුණා. ඔහුට දැන් පැහැදිලිව අකුරු පෙනෙන බව ඔහු පැවසුවේ ඉතාමත් සතුටෙන්…
ඉතින් මේ පුතා වෙනුවෙන් ඒ වියදම් සියල්ල දරා තමන්ගේම දරුවකු සේ සිතා මේ දරුවාගේ අවශ්‍යතාව වෙනුවෙන් පිහිට වූ ඔබට එම පුතුගෙත් දෙමාපියන්ගේත් කෘතවේදිත්වය හිමි වනවා. පාසල් යන වයසේ ඉන්න මේ පුතාට පැහැදිළි ලෙස පොත්පත් කියවීමට ලැබෙන්නේ පැහැදිළි දෘෂ්ටිකත්වය තිබීමෙන් පමණයි. දැන් ඉතා පැහැදිළිව අකුරු කියවීමට හැකි වන නිසාත් අපහසුවකින් තොරව පාඩම් කටයුතු සිදු කළ හැකි නිසාත් මේ පුතුට ඉතාමත් හොඳින් අධ්‍යාපන කටයුතු සිදුකළ හැකි වනවා. මේ සියළු වරප්‍රසාද ඔහුට හිමි උනේ ඔබේ සෙනෙහෙවන්ත පරිත්‍යාගය නිසාවෙනියි. ඔබට හැකි අයුරින් මෙය දායක වී මෙම කටයුත්ත ගීනුක පුතා වෙනුවෙන් සිදු කිරීමට ඉදිරිපත් වීම සැබැවින්ම අගය කළ යුතුයි.
දරුවකුගේ දෙනෙත් පාදා අනාගතය එළි කර මෙසේ රැස් කරගත්තාවූ කුසලයේ ආනුභාවයෙන් ඔබේ සිඟිති දියණිය Dinuli Thisathna Premathilaka හට කිසිදි ලෙඩ දුක් රෝග පීඩාවක් නොම වේවා…. නිදුක් නීරෝගී සුවය උදා වේවා…. ඇගේ අනාගතය මෙන්ම යම් කලෙක අධ්‍යාපනය ද සර්වප්රකාරයෙන්ම සාර්ථක වේවා…. එසේම දියණිය වෙනුවෙන් මෙවන් කටයුත්තක් සිදුකළ ඔබටත් ඔබේ පවුලේ සෑම සියළු දෙනාටත් නිදුක් නීරෝගී සුවය උදා වේවා…. ලෙඩ දුක් රෝග පීඩාවන්ගෙන් ආරක්ෂා වේවා… කරන කියන කටයුතු සියල්ලක්ම සර්වප්රකාරයෙන්ම සාර්ථක වේවා…. සතුට සැනසුම සෞභාග්‍යය නිරතුරුවම උදා වේවා…. දරුවකුගේ දෙනෙක්ත් පෑදූ පිනෙන් ඔබ සැමගේ ජීවිත නිරන්තරයෙන්ම ආලෝකමත් වේවා….
by Danesh Edirisooriya | Oct 14, 2017 | Spectacles
Dushani Samaraweera මිතුරිය විසින් ඇගේ දෙමාපියන්ටත් වැඩිමල් සොයුරියටත් සෙත් පතා කුරුඳුගොල්ල බණ්ඩාරවෙල පදිංචි හැට හය වියැති ආර්.එම්. ආරියවතී මවට උපැස් යුවලක් පරිත්‍යාග කරා. මේ මව කලක පටන් දෑස් වල ඇති ආබාධ තත්වයෙන් පෙළුණ කෙනෙක්. ඇස් පරික්ෂා කරත් වියදම් කරලා ඉතිරි වැඩ කටයුතු කරගන්න හැකියාවක් නැති නිසා කණ්ණාඩි නොගෙන ඉන්න තීරණය කරලා. වයසත් එක්ක තව තවත් දුර්වල වෙද්දි තව කාලයක් යද්දි හරිහැටි වැඩක් කරගන්නත් බැරි වෙනවා. පොතක් බලන්න එහෙමත් දැනටත් බැහැ. ඉතින් මේ විදිහට අලුත් කණ්නාඩි දෙකක් පරිත්‍යාග කරාම ඒකෙන් ඇය ලබන ප්‍රයෝජනය අපමණයි. ඒ නිසයි මෙවන් පරිත්‍යාගයක් ඇය වෙනුවෙන් අපි සිදු කළේ. මේ පරිත්‍යාගය වෙනුවෙන් Dushani samaraweera මිතුරිය ඇගේ පූර්ණ සහයෝගය දැක්වුවා. ඇගේ බලාපොරොත්තුව උනේ මේ තුළින් පවුලේ හැම කෙනෙකුටම ආශිර්වාද කිරීම.
උපැස් යුවළ ලැබූ මේ මවට අපි ඔබ ගැන පවසා ඡායාරූප පෙන්වූ විට ඇය බොහෝ සේ පිං දුන්නා. ඒ සියළු පිං ඔබටත් ඔබේ පවුලේ සියළු දෙනා හටත් හිමි වනවා…. දැසට පෙනීම ලබා දුන් පිනෙන් සසර පුරාවට නිවැරදි මඟම යන්නට අවැසි ආශිර්වාදය නිරතුරුවම හිමි වේවා…. උතුම් ධර්මාවබෝධය ලැබීමටද මෙම පින මහෝපකාරී වේවා…. නිදුක් නීරෝගී සුවය දීර්ඝායුෂ ලැබේවා….. කරන කියන යම් කටයුත්තක් වේ නම් සිතන පතන යම් පැතුමක් වේ නම් ඒ සියල්ලම සර්වප්රකාරයෙන්ම සාර්ථක වේවා…. සතුට සැනසුම සෞභාග්‍යය නිරතුරුවම ඔබේ ජීවිතයට උදා වේවා…. අවසානයේ මේ රැස් කරගත්තාවූ කුසලය සියළුම දෙවියන්ටද අනුමෝදන් වේවා…. මේ පින් අනුමෝදන් වීමෙන් පවුලේ සෑම සියළු දෙනා හටම දෙවියන්ගේ පිහිට ආශිර්වාදය රැකවරණය නොඅඩුව ලැබේවා…
by Danesh Edirisooriya | Oct 6, 2017 | Spectacles
දරුවෙක්ගෙ අනාගතය ලස්සන වෙන්න නම් ඔහු යන මඟ නිවැරදි වෙන්න ඕන. ඒ වෙනුවෙන් දරුවෙක් තුළ යහපත් දැක්මක් තියෙන්න ඕන වගේ තමයි හොඳ අධ්‍යාපනයක් ලබන්න නම් සියල්ල පැහැදිළිව දැකීමේ හැකියාව දරුවෙක්ට තියෙන්න ඕනමයි. නමුත් අවාසනාවකට අපේ රටේ දරුවෝ ගොඩක් මේ වෙද්දි පන්තියේ පාඩම් කියවන්නෙ බලන්නෙ ඇස් පුංචි කර කර. ඒ ඔවුන්ට පංතියේ කළු ලෑල්ලෙ ලියන අකුරු හරිහැටි පේන්නෙ නැති නිසා. එක එක දරුවන්ගෙ ඇස් වල විවිධාකාර ආබාධ. සල්ලි තියෙන දෙමාපියන්ගෙ දරුවෙක් නම් ඇස් රිදෙනවා කියපු පමාවට දොස්තර කෙනෙක් ළඟට ගිහින් පෙන්නලා ඉස්තරම්ම මිළ අධිකම හොඳම විලාසිතාවෙ කණ්නාඩි කුට්ටමක් අරන් දෙනවා. ඒත් ගමේ ඉන්න එදා වේල අමාරුවෙන් හොයාගන්න පවුල් වල දෙමාපියන්ට නම් ඇස් රිදෙනවා කිව්වට ඒකට කරන්න දෙයක් නෑ. මොකද දොස්තර කෙනෙක්ට පෙන්නන්න පුළුවන් උනත් ඊළඟට කණ්නාඩි දෙක හදාගන්න ඕන සල්ලි හොයන්න අවුරුද්දකුත් මඳි වෙනවා. මොකද ඒ පවුල් වල එද දවසේ කෑම ටිකක් කාලා බඩ පුරෝගන්නෙ උදේ ඉඳන් හම්බකරන සල්ලි වලින්. ඒත් මේ දරුවොත් අපේම දරුවෝ වගේ ඇස් වල අමාරුවෙන් අපහසුවෙන් උනත් ඉගෙන ගන්න උනන්දු දරුවො. ඒ අයට තියෙන එකම අඩුව මුදල් නැතිකමයි. ඒත් ඒ දරුවෝ නෝක්කඩු කියන්නෙ නෑ. අමාරුවෙන් උනත් ඉගෙන ගන්නවා.
ඉතින් මේ වගේ දරුවන්ට පුළුවන් විදිහට උදව් කරොත් ඒ අයටත් අපහසුවකින් තොරව පාඩම් වැඩකටයුතු කරගන්න පුළුවන් වේවි. මේ පුතත් ඒ වගේ ඇස් වල රෝගාබාධයක් තියෙන දරුවෙක්. මේ වගේ දරුවන්ගේ අවශ්‍යතාව හොඳින්ම හඳුනගත්ත Achala Meegama මිතුරා බොහෝම කැමති උනා ඒ වගේ දරුවෙක්ට පිහිට වෙන්න. අන් කිසිදු ප්‍රාර්ථනාවක් නිසා නෙමෙයි හුදෙක්ම මේ දරුවට පිහිට වෙන පිනෙන් නිවනට මඟ එළි වේවා කියන පැතුම පමණයි ඔහුට මේ කෙරෙහි තිබුණේ. ඉතින් මේ දරුවට අළුත් කණ්නාඩි කුට්ටමක් ලබා දෙන්න Achala මිතුරා ඔහුගේ පූර්ණ දායකත්වය ලබලා දුන්නා. මෙ දරුවා දමිළ පවුලක දරුවෙක්. නමුත් ජාති භේද සලකන්න කිසිදු අවශ්‍යතාවක් අපට නැහැ. ඉතින් මොන ආගමක ජාතියක උනත් මේ දරුවා ඉන්නෙ අපහසුවෙන් නිසා ඔහුට පහසුවෙන් පොත පත පාඩම් කරන්න ලෝකය දකින්න ඕන නිසා ඔහුටම ගැලපෙන කණ්නාඩි කුට්ටමක් අපි සකස් කරන්න භාර දුන්නා. පූර්ණ අක්ෂි පරික්ෂාවකින් අනතුරුව ඔහුට සුදුසු කාච තීරණය කර කැමති ඕනෑම රාමුවක් තෝරගන්න අපි ඒ පුතාටම අවස්ථාව දුන්නා. ඉතින් ඒ පුතා තෝරගත්ත රාමුවට කාච සවි කොට සතියකින් වැඩ කටයුතු සම්පූර්ණ කරලා කණ්ණාඩි යුගල මේ පුතුට ලැබෙනවා.
මේ උපකාරයෙන් මෙ පුතා ඉතාමත් හොඳින් ඔහුගේ අධ්‍යාපන කටයුතු සිදු කරාවි. ඒ වගේම දිනෙක් ලෝකය දිනාවි. ජීවිතය ජය ගනීවි. ඒ හැම දේකම පින අයිති ඔබටයි මිතුර. මේ දරුවගේ දෑස් පාදපු පින ඔබේ අරමුණ වූ පරිදිම ඔබටත් ඔබේ පවුලේ හැම කෙනෙකුටමත් උතුම් වූ චතුරාර්‍ය සත්‍ය අවබෝධ වීම පිණිස එයට මඟ හෙළි කරනා ආශිර්වාදයක්ම වේවා…. අන් කිසිවක් නොව ඔබ පැතුවේ එයයි. නමුත් මේ සිදුකළ කුසලයේ ආනුභාවයෙන් ඔබේත් ඔබේ පවුලේත් සෑම සියළු දෙනාගේම ජීවිත වලට නිදුක් නීරොගී සුවය උදා වේවා… මොනයම් හෝ රෝගාබාධ දුක් පීඩා සිත් තැවුල් ඇත්නම් ඒ සියල්ල වහා පහව යේවා…. කරන කියන කටයුතු සියල්ලක්ම සර්වප්රකාරයෙන්ම සාර්ථක වේවා…. තව තවත් පින් දහම් සිදු කරමින් උතුම් චතුරාර්‍ය සත්‍ය අවබෝධය කරා යන ගමන තව තවත් එළි පෙහෙළි කරගැනීමට නිරතුරුවම හැකි වේවා….
දරුවෙකුගේ දෙනෙත් පාදා ජීවිතය ආලෝකමත් කෙරූ පිනෙන් ඔබේ ජීවිතයද සදා ආලෝකමත් වේවා….
