loader image
Select Page
උපන්දිනය වෙනුවෙන් ඔක්කම්පිටිය, ගල්ටැම්මණ්ඩිය විහාරස්ථානයට වතුර ටැංකියක් පරිත්‍යාග කෙරූ ෆේස්බුක් මිතුරා

උපන්දිනය වෙනුවෙන් ඔක්කම්පිටිය, ගල්ටැම්මණ්ඩිය විහාරස්ථානයට වතුර ටැංකියක් පරිත්‍යාග කෙරූ ෆේස්බුක් මිතුරා

ඔක්කම්පිටිය කියන්නේ මොණරාගල දිස්ත්‍රික්කයේ ඉතාමත් දුෂ්කර ප්‍රදේශයක්. අපි ඔක්කම්පිටිය, ගල්ටැම්මණ්ඩිය පන්සලට වතුර ටැංකියක් පරිත්‍යාග කලා.

මේ විහාරස්ථානයට මෙලෙස ජල ටැංකියක් පරිත්‍යාග කරමින් උපන්දිනය බොහෝමත්ම අර්ථාන්විත ලෙස සැමරීමට කටයුතු කලේ මාගේ කළ්‍යාණ මිතුරකු වන සුධීර සහන් මිතුරායි. උපන්දිනය සැමරීමට සාදයකට වඩා වටින්නේ මෙවන් උතුම් පරිත්‍යාගයන් බව බොහෝම හොඳින් අවබෝධ කොට ගත් ඔහු විසින් මෙසේ ඔහුගේ දායකත්වය දක්වමින් මෙම පරිත්‍යාගය සිදු කළා. ස්වාමීන්වහන්සේට මෙහි වටිනාකම කියා නිම කළ නොහැකි තරම්. වසරේ වැඩි කාලයක් නියඟය පවතින ප්‍රදේශයක පිහිටි මෙම පන්සලට ජලය එක්‍ රැස් කරගන්න ක්‍රමයක් තිබෙන එක ඉතාමත් වටිනා බව පන්සලේ විහාරාධිපති ස්වාමීන්වහන්සේ පැවසුවා. ඔබට ආශිර්වාද කලා.

ඔබ ඔබගේ උපන්දිනය වෙනුවෙන් වියදම් කරන මුදල ඔබටම ආයෝජනයක් වීමට නම් ඊට සුදුසුම ක්‍රමය මෙසේ උතුම් වූ වටිනා පරිත්‍යාගයන් සිදු කිරීමයි. එය යම් දිනෙක ඔබේ ජීවිතයට ආශිර්වාදයක්ම වන කිසිදා නිම නොවන ආයෝජනයක් වනවා. මෙසේ උපන්දිනය වෙනුවෙන් විහාරස්ථානයකට පිරිසිදු පානීය ජලය ලබා ගැනීම පිණිස ජල ටැංකියක් පරිත්‍යාග කර රැස් කරගත්තාවූ කුසලයේ ආනුභාවයෙන් ඔබට නිදුක් නීරෝගී සුවය ලැබේවා… කිසිදු කාය චිත්ත පීඩාවක් නොම වේවා…. සතුට සැනසුම සෞභාග්‍යය සපිරි අනාගතයක් උදා වේවා…. දීර්ඝායුෂ ලබත්වා…. අවසානයේ උතුම් වූ ධර්මාවබෝධය පිණිසද මෙම කුසලය හේතු වේවා….

සුභ උපන්දිනයක් අයියේ…

Project Water 2018 | Water Means Life (වැල්ලවාය) – Day 01 – Part 03  නියඟයෙන් පීඩා විඳින අසරණ පවුල් 500±කට ජලය ලබාදීම.

Project Water 2018 | Water Means Life (වැල්ලවාය) – Day 01 – Part 03 නියඟයෙන් පීඩා විඳින අසරණ පවුල් 500±කට ජලය ලබාදීම.

වැල්ලවාය ප්‍රාදේශීය ලේකම් කොට්ඨාසයට අයත් පුබුදුවැව ග්‍රාම සේවා වසමේ කෙන්හත සහ ඕලුගල ගමේ පවුල් 168+ක්, බලහරුව, ගැමුණුපුර සහ සමගිපුර ගමේ පවුල් 225+ක් මාස කිහිපයක සිට දැඩි නියං තත්වය නිසා බොන්න වතුර පොදක් නොමැතිව දුක් විඳිනවා.

ගමේ ළිං තිබුණත් බීමට සුදුසු තත්වයක් නැහැ. කිලෝමීටර් 7-8ක් යන්න ඕන වතුර අරන් එන්න. ඒකත් බයික් හරි ත්‍රීවීලර් හරි තියෙන අය තමයි දුරින් වතුර ගේන්නේ. අනෙක් හැමෝම කරන්න දෙයක් නැති කමට ළිං වතුර බොනවා. වකුගඩු රෝගීන් ගොඩක් වාර්තා වෙලා තියෙනවා මේ ප්‍රදේශයෙන්. මේ ප්‍රදේශයට මාස 6ක් වහිනවා, මාස 6ක් පායනවා. චන්ද කාලෙටනම් දේශපාලනඥයින් වතුර අරන් එනවලු.

ඒ වගේම මේ ගමට තැපැල් පහසුකම් නැහැ. ලියුම් එන්නේ කිලෝමීටර් 7-8ක් දුරින් තියෙන වෙළඳසැලකටලු. ගමේ අය ඒ හන්දියේ වෙළඳසැලට යනවා ලියුම් තියේද බලන්න. ඒකත් හිතවත් අයට පමණලු ලියුම් භාරගන්නේ. එක බස් එකයි ගමටම තියෙන්නේ. 3 පාරක් දවසට ඒ බස් එක යනවා. පාසල් ළමයි පිරිලා යනවලු ඒකේ. උදේට සුදුගවුම ඇඳන් යන ළමයි ඉස්කෝලෙන් බහිනකොට ගවුම කහපාට වෙලාලු දූවිලි වලින් වැහිලා.

ප්‍රාදේශීය ලේකම් කාර්යාලවලට, පොළිසියට, ආපදා කළමණාකරණ ඒකකයට සහ අනෙකුත් දැනුම් දියයුතු හැම තැනකටම මේ අය මාස ගණනක සිට ලිඛිතව දැනුම් දී තිබුණත් කාගෙවත් අවධානයට යොමුවෙලා නැහැ.

මේ දිනවල සියලුම ජල බව්සර් Enterprise Sri Lanka ප්‍රදර්ශනයට අන්යුක්ත කර ඇති නිසා ප්‍රදේශීය සභාවෙන් පවා අපට බවුසර් ලබාගැනීමට හැකියාවක් නැහැ. ඉතිං අපි වැල්ලවාය ජල සම්පාදන මණ්ඩලයෙන් ජලය මිළදීගෙන කුළියට ගත් ලීටර් 6000ක ජල බවුසර් මගින් වාර කිහිපයකට මේ ගම් වලට ජලය ලබාදීම අද උදෑසන ආරම්භ කලා.

අපට මේ පිළිබඳව දැනගන්න ලැබුණේ ඊයේ සවස. අපිට රජයට වගේ ව්‍යාපෘති වලට දීර්ඝ කාලයක් ගතවෙන්නේ නැහැ. මොකද මනුස්සකම පිරුණු හදවත් ඇති මිනිසුන් දහස් ගණනක් සමාජසත්කාර එක්ක එකතුවෙලා ඉන්නවා. ඉතිං අපි අද දවසේ ෆේස්බුක් මිතුරන්ගේ සහයෙන් මේ පිංකම මෙලෙස ආරම්භ කලා.

ගමේ ගෙයක් ගෙයක් ගානේ අපි අද උදෑසන ඉඳන් ගියා. ඒ හැමෝම අපි එනකන් වතුර කෑන්, කළ තියාගෙන පාර අයිනෙට වෙලා හිටියා. එක් අයෙක්ට ජල ලීටර් 15-100 අතර ප්‍රමාණයක් ලබාදුන්නා. සමහර අයට තියෙන්නේ පොඩි කළයක් හෝ දෙකක් පමණයි. ඉතිං වැඩි වතුර ප්‍රමාණයක් ගන්න හැකියාවක් නැහැ ඒ අයට. මොනා වුනත් හැමෝම නොසෑහෙන්න පිං දුන්නා.

මේ පිංකමට මූල්‍ය දායකත්වය දැක්වූ හැමෝම අද උදෑසන ආරම්භ කල ව්‍යාපෘතියට සම්බන්ධ වුණේ ව්‍යාපෘතිය කුමක්ද කියා නොදැන. නමුත් මම දන්නවා ඔබ සම්බන්ධ වුණ මේ පිංකම ගැන ඔබ සතුටු වෙනවා කියලා.

ඔබ මේ සම්බන්ධ වුනේ ඉතා උතුම් වූ පිංකමකට, පැන් පූජාවකට. පිපාසය සංසිඳුවනවා කියන්නේ මහත් වූ ආනිසංස ගෙන දෙන පිංකමක්. සම්බන්ධ වූ ඔබට මෙය නිවන් අවබෝධය පිණිසම හේතුවාසනා වේවා. තෙරුවණ් සරණයි.

මේ පිංකමට සමාජසත්කාර කණ්ඩායමේ Chathura Prasanga මල්ලිත්, වැල්ලවායෙන් සම්බන්ධීකරණ කටයුතු සඳහා ජගත් නිලන්ත මහතාත් සම්බන්ධ වුණා. ඔබ දෙපළටත් බොහොම පිං.

දෙවෙනි අදියරේදී අපි මේ අයට වතුර කෑන් සහ ජලය ලබාදෙන්න බලාපොරොත්තු වෙනවා. වැඩි විස්තර පසුව බලාපොරොත්තු වන්න.

මතු සම්බන්ධයි…

Project Water 2018 | Water Means Life (වැල්ලවාය) – Day 01 – Part 04  නියඟයෙන් පීඩා විඳින අසරණ පවුල් 500±කට ජලය ලබාදීම.

Project Water 2018 | Water Means Life (වැල්ලවාය) – Day 01 – Part 04 නියඟයෙන් පීඩා විඳින අසරණ පවුල් 500±කට ජලය ලබාදීම.

වැල්ලවාය ප්‍රාදේශීය ලේකම් කොට්ඨාසයට අයත් පුබුදුවැව ග්‍රාම සේවා වසමේ කෙන්හත සහ ඕලුගල ගමේ පවුල් 168+ක්, බලහරුව, ගැමුණුපුර සහ සමගිපුර ගමේ පවුල් 225+ක් මාස කිහිපයක සිට දැඩි නියං තත්වය නිසා බොන්න වතුර පොදක් නොමැතිව දුක් විඳිනවා.

ගමේ ළිං තිබුණත් බීමට සුදුසු තත්වයක් නැහැ. කිලෝමීටර් 7-8ක් යන්න ඕන වතුර අරන් එන්න. ඒකත් බයික් හරි ත්‍රීවීලර් හරි තියෙන අය තමයි දුරින් වතුර ගේන්නේ. අනෙක් හැමෝම කරන්න දෙයක් නැති කමට ළිං වතුර බොනවා. වකුගඩු රෝගීන් ගොඩක් වාර්තා වෙලා තියෙනවා මේ ප්‍රදේශයෙන්. මේ ප්‍රදේශයට මාස 6ක් වහිනවා, මාස 6ක් පායනවා. චන්ද කාලෙටනම් දේශපාලනඥයින් වතුර අරන් එනවලු.

ඒ වගේම මේ ගමට තැපැල් පහසුකම් නැහැ. ලියුම් එන්නේ කිලෝමීටර් 7-8ක් දුරින් තියෙන වෙළඳසැලකටලු. ගමේ අය ඒ හන්දියේ වෙළඳසැලට යනවා ලියුම් තියේද බලන්න. ඒකත් හිතවත් අයට පමණලු ලියුම් භාරගන්නේ. එක බස් එකයි ගමටම තියෙන්නේ. 3 පාරක් දවසට ඒ බස් එක යනවා. පාසල් ළමයි පිරිලා යනවලු ඒකේ. උදේට සුදුගවුම ඇඳන් යන ළමයි ඉස්කෝලෙන් බහිනකොට ගවුම කහපාට වෙලාලු දූවිලි වලින් වැහිලා.

ප්‍රාදේශීය ලේකම් කාර්යාලවලට, පොළිසියට, ආපදා කළමණාකරණ ඒකකයට සහ අනෙකුත් දැනුම් දියයුතු හැම තැනකටම මේ අය මාස ගණනක සිට ලිඛිතව දැනුම් දී තිබුණත් කාගෙවත් අවධානයට යොමුවෙලා නැහැ.

මේ දිනවල සියලුම ජල බව්සර් Enterprise Sri Lanka ප්‍රදර්ශනයට අන්යුක්ත කර ඇති නිසා ප්‍රදේශීය සභාවෙන් පවා අපට බවුසර් ලබාගැනීමට හැකියාවක් නැහැ. ඉතිං අපි වැල්ලවාය ජල සම්පාදන මණ්ඩලයෙන් ජලය මිළදීගෙන කුළියට ගත් ලීටර් 6000ක ජල බවුසර් මගින් වාර කිහිපයකට මේ ගම් වලට ජලය ලබාදීම අද උදෑසන ආරම්භ කලා.

අපට මේ පිළිබඳව දැනගන්න ලැබුණේ ඊයේ සවස. අපිට රජයට වගේ ව්‍යාපෘති වලට දීර්ඝ කාලයක් ගතවෙන්නේ නැහැ. මොකද මනුස්සකම පිරුණු හදවත් ඇති මිනිසුන් දහස් ගණනක් සමාජසත්කාර එක්ක එකතුවෙලා ඉන්නවා. ඉතිං අපි අද දවසේ ෆේස්බුක් මිතුරන්ගේ සහයෙන් මේ පිංකම මෙලෙස ආරම්භ කලා.

ගමේ ගෙයක් ගෙයක් ගානේ අපි අද උදෑසන ඉඳන් ගියා. ඒ හැමෝම අපි එනකන් වතුර කෑන්, කළ තියාගෙන පාර අයිනෙට වෙලා හිටියා. එක් අයෙක්ට ජල ලීටර් 15-100 අතර ප්‍රමාණයක් ලබාදුන්නා. සමහර අයට තියෙන්නේ පොඩි කළයක් හෝ දෙකක් පමණයි. ඉතිං වැඩි වතුර ප්‍රමාණයක් ගන්න හැකියාවක් නැහැ ඒ අයට. මොනා වුනත් හැමෝම නොසෑහෙන්න පිං දුන්නා.

මේ පිංකමට මූල්‍ය දායකත්වය දැක්වූ හැමෝම අද උදෑසන ආරම්භ කල ව්‍යාපෘතියට සම්බන්ධ වුණේ ව්‍යාපෘතිය කුමක්ද කියා නොදැන. නමුත් මම දන්නවා ඔබ සම්බන්ධ වුණ මේ පිංකම ගැන ඔබ සතුටු වෙනවා කියලා.

ඔබ මේ සම්බන්ධ වුනේ ඉතා උතුම් වූ පිංකමකට, පැන් පූජාවකට. පිපාසය සංසිඳුවනවා කියන්නේ මහත් වූ ආනිසංස ගෙන දෙන පිංකමක්. සම්බන්ධ වූ ඔබට මෙය නිවන් අවබෝධය පිණිසම හේතුවාසනා වේවා. තෙරුවණ් සරණයි.

මේ පිංකමට සමාජසත්කාර කණ්ඩායමේ Chathura Prasanga මල්ලිත්, වැල්ලවායෙන් සම්බන්ධීකරණ කටයුතු සඳහා ජගත් නිලන්ත මහතාත් සම්බන්ධ වුණා. ඔබ දෙපළටත් බොහොම පිං.

දෙවෙනි අදියරේදී අපි මේ අයට වතුර කෑන් සහ ජලය ලබාදෙන්න බලාපොරොත්තු වෙනවා. වැඩි විස්තර පසුව බලාපොරොත්තු වන්න.

මතු සම්බන්ධයි…

පවුලේ සැමට ආශිර්වාද පතා සහ නීරෝගීසුව පතා විහාරස්ථානයකට ලීටර් 1000ක ජල ටැංකියක් පූජා කල ෆේස්බුක් මිතුරිය

පවුලේ සැමට ආශිර්වාද පතා සහ නීරෝගීසුව පතා විහාරස්ථානයකට ලීටර් 1000ක ජල ටැංකියක් පූජා කල ෆේස්බුක් මිතුරිය

ඓතිහාසික කණබිසවාරාම පුරාණ විහාරස්ථානය පිහිටලා තියෙන්නේ මොණරාගල දිස්ත්‍රික්කයේ, වැල්ලවාය, හඳපානාගල. ගොඩක් අඩුපහසුකම් සහිත පන්සලක්. ඔබට මේ විහාරස්ථානයේ චෛත්‍යය ඡායාරූප වල දැකගන්න පුළුවන්. ඉතාමත් පැරණි පුදබිමක්.

නම සඳහන් කිරීමට අකමැති ෆේස්බුක් මිතුරියක් (ZS) මේ විහාරස්ථානයට ජල ටැංකියක් පූජාකලා. ඔබට බොහොමත්ම පිං.

විහාරාධිපති ස්වාමීන්වහන්සේ පුණ්‍යානුමෝදනාවක්ද සිදු කලා. මෙය දිවා රෑ පිං වැඩෙන පිංකමක් සහ එමගින් මේ විහාරස්ථානයට සැලසෙන සෙත ගැනද ජල බිඳුවක් බිඳුවක් ගානේ පිං ලැබෙනවා කියලත් උන්වහන්සේ දේශනා කලා.

ඔබ මේ කරගත්තාවූ කුසල කර්මයේ හේතුවෙන් ඔබ නිදුක් නීරෝගී වේවා. රැකි රක්ෂා කටයුතු දියුණු වේවා. මේ පින නිර්වාණ සම්පත්තියටම හේතු වාසනා වේවා…

තෙරුවණ් සරණයි…

දියණියගේ උපන්දිනය වෙනුවෙන් පාසලක දරුවන්ට පානීය ජල පහසුකම් සැපයූ ෆේස්බුක් මිතුරිය | Melani Devindya Sooriyaarachchi

දියණියගේ උපන්දිනය වෙනුවෙන් පාසලක දරුවන්ට පානීය ජල පහසුකම් සැපයූ ෆේස්බුක් මිතුරිය | Melani Devindya Sooriyaarachchi

පසුගිය පෙබරවාරි 28 වෙනිදා නුතාරා කිත්මිණී ප්‍රනාන්දු දියණියගේ තුන් වැනි උපන්දිනය. අක්කට ඕනකලා ඒ වෙනුවෙන් විශේෂ දෙයක් කරන්න.

බදුල්ල දිස්ත්‍රික්කයේ දියතලාව, ඇල්ලගම මහා විද්‍යාලයේ දරුවන් 300ක් පමණ ඉගෙනුම ලබනවා. විදුහල්පතිතුමා අපෙන් ඉල්ලා සිටියා හැකිනම් ජල ටැංකියක් ලබාදෙන ලෙස. ඉතිං අපි අද ලිටර් 1000ක ධාරිතාවයකින් යුත් ජල ටැංකියක් සහ අවශ්‍ය අනෙකුත් උපාංග පාසලට පරිත්‍යාග කලා. පාසලේ ගුරුමණ්ඩලයේ සියලුම ගුරුවරුන් බොහොමත්ම කෘතඥ වුණා මේ සිදුකල සත්කාරයට.

අක්කේ, ඔබ මේ කලාවූ කුසලයේ බල මහිමයෙන් ඔබගේ දියණිය නිදුක් නීරෝගී වේවා. ඉදිරි අනාගතය සාර්ථක වේවා. ඔබගේ පවුල් ජීවිතය සාර්ථක වේවා. අපල උපද්‍රව දුරු වේවා. ඔබගේ රැකියා ජීවිතය ඇතුලු සිතන පතන සියලුම යහපත් පැතුම් ඉටුවේවා. තෙරුවණ් සරණයි.

ඔයාට සුභම සුභ උපන්දිනයක් චූටි දුවේ…

පාසල : ඇල්ලගම මහා විද්‍යාලය
ව්‍යාපෘති දිනය : 2017 මාර්තු 10

ප්‍රාථමික පාසලක පොඩ්ඩන්ට පානීය ජල පහසුකම් සැපයූ ෆේස්බුක් මිතුරිය | Thilini Nimanka Perera

ප්‍රාථමික පාසලක පොඩ්ඩන්ට පානීය ජල පහසුකම් සැපයූ ෆේස්බුක් මිතුරිය | Thilini Nimanka Perera

රත්නපුර දිස්ත්‍රික්කයේ, නිවිතිගල අධ්‍යාපන කොට්ඨාසයට අයත් දොලොස්වල ග්‍රාමයේ දුෂ්කර පාසලක් වන සද්ධානන්ද විද්‍යාලයේ සිසුන් 95ක් පමණ අධ්‍යාපනය ලබනවා. අඩු ආර්ථික හැකියාවක් ඇති මෙම අහිංසක දරුවන්ගේ දෙමාපියන් දරුවන්ට අවශ්‍ය අධ්‍යාපන පහසුකම් පවා සපයා දෙන්නේ ඉතාම අපහසුවෙනි.

මෙම පාසලට පැවති මූලික ගැටලුවක් වූයේ දරුවන්ට අවශ්‍ය පානීය ජල පහසුකම් ලබාගැනීමට අවශ්‍ය පහසුකම් නොතිබීමයි. අද දිනයේදී සමාජසත්කාර කණ්ඩායමේ සහභාගීත්වයෙන් තිළිණි නිමන්කා අක්කාගේ දායකත්වයෙන් පාසලට අවශ්‍ය ලීටර් 1000ක ධාරිතාවයකින් යුත් ජල ටැංකියක් සහ අවශ්‍ය අනෙකුත් උපාංග පරිත්‍යාග කිරීම සිදුකලා.

පාසල පිහිටා තිබෙන්නේ ප්‍රධාන පාරෙන් කිලෝමීටර් 3ක් පමණ දුරින් ඉතා දුෂ්කර ප්‍රදේශයකය. පාසල පිහිටියේ කුඩා කඳු ගැටයක් මත වන අතර මීටර් 250ක් පමණ මාර්ගයේ සිට උඩට පඩිපෙළක් නැඟ පාසලට පැමිණිය යුතුය. දෙමාපියන් කිහිපදෙනෙක් වතුර ටැංකිය පහල සිට උඩට ගෙන ඒමට සහය වූවා.

මූලික අවශ්‍යතාවයක් වූ මේ ප්‍රශ්නය නිරාකරණය කරගැනීමට අප මූලිකත්වය ගෙන කටයුතු කිරීම ගැන විදුහල්පතිතුමා ඇතුලු ගුරු මණ්ඩලයද, දෙමාපියන්ද පිං දුන්නා. පොඩ්ඩන්ට සහ විදුහල්පතිතුමාට මා අක්කාගේ ඡායාරූපයක් පෙන්වූ අතර වයිබර් ඇමතුමක් හරහා කතා කරන්නද අවස්ථාව සලසා දුන්නා. විදුහල්පතිතුමා තිළිණි අක්කාට අනේකවාරයක් පිං දුන්නා.

ඔයාට ගොඩක් පිං අක්කා…
ඔබ මේ කලා වූ කුසල කර්මය නිර්වාණ සම්පත්තියටද හේතු වාසනා වේවා. තෙරුවණ් සරණයි !

මේ සඳහා උදව් කල රුවන් මල්ලීටද ගොඩක් පිං…

පාසල : රත්නපුර, නිවිතිගල ශ්‍රී සද්ධානන්ද විද්‍යාලය
ව්‍යාපෘති දිනය : 2017 ජනවාරි 03
Project Code : 2017-R-0001
Donor : තිළිණි නිමංකා