පවුලේ සැමට ආශිර්වාද පතා රෝදපුටුවක් පරිත්‍යාග කල ෆේස්බුක් මිතුරිය සහ මිතුරා

by Danesh Edirisooriya | Jun 16, 2017 | Disabled Person

මාගේ ෆේස්බුක් මිතුරියක් වන Ishara Premadasa සහ ඇයගේ ආදරණීය ස්වාමිපුරුෂයා වන Shameera Rathnayaka මිතුරා පවුලේ සැමට ආශිර්වාද පතා රෝද පුටුවක් අවැසි කෙනෙක්ට රෝද පුටුවක් පරිත්‍යාග කරන්න දායක වුණා.

මේ ඉන්නේ නිලූක සඳරුවන් පුතා. වයස අවුරුදු 26යි. උපතින්ම ආබාධිතයි. දන්ගහවත්ත අසල, පහල වතුපිටිය, උඩකරවිට, නිවිතිගල ලිපිනයේ ඉන්නේ. දරුවගේ තාත්තා පතල් වැඩ කරන්නේ. අම්මා හඳුන්කූරු හදනවා. ඒ පුතාට රෝද පුටුවක් පරිත්‍යාග කිරීම ගැන අම්මා නොසෑහෙන්න පිං දුන්නා. අපි ඉදිරියේදී මේ පවුලට ස්වයංරැකියාවක් ලබාදෙන්න බලාපොරොත්තු වෙනවා.

ඉතිං ඉෂාරා නංගී ඔයා මේ කලාවු කුසලයේ මහිමයෙන් ඔයාගේ ස්වාමිපුරුෂයා සහ පවුලේ සියලුම දෙනාගේ සියලුම යහපත් බලාපොරොත්තු සාර්ථක වේවා. මේ කුසලය නිර්වාණ සම්පත්තියටම හේතුවාසනා වේවා. පවුලේ සියලුම දෙනාට තෙරුවණ් සරණයි…

Location : නිවිතිගල

අද ඇගේ විවාහ දිනයයි… අසරණ අත්තම්මා කෙනෙකුට වාරුවක් වෙමින් කුල ගෙට යන පින්බර මනාලිය

by Danesh Edirisooriya | Jun 7, 2017 | Disabled Person

සුන්දර මනාලියක් වීම හැම කෙල්ලෙකුගේම අහිංසක බලාපොරොත්තුවක්. ඒ දවස මහත් ඉහළින් සමරන්න ගොඩක් අය උත්සහ කරනවා. නමුත් බොහොම අතලොස්සක් තමයි ඒ දවස අර්ථාන්විත කරගන්නේ කොහොමද කියලා හිතන්නේ.

හැමදාමත් වගේ යහපත් මිතුරු ඇසුර නොඅඩුව ලබන මගෙන් එවැනි වූ මිතුරියක් වන Kushani Othnapitiya නංගී විශේෂ ඉල්ලීමක් කළා. ඒ ඇගේ විවාහ දිනය වෙනුවෙන් ඉතාමත් වියපත් අහිංසක අසරණ අත්තම්මා කෙනෙකුට රෝද පුටුවක් ලබා දෙන්න අවශ්‍ය බව.

අද ඇගේ විවාහ දිනය. ඉතින් අපි ඒ පින්බර සිතුවිල්ල ඇගේ ජීවිතේ සුන්දරතම සිහිනය සැබෑ වන දිනයේදීම මලඵල ගන්වමින් නිවිතිගල ඉන්න දෑස් නොපෙනෙන මේ අත්තම්මාට රෝද පුටුවක් ලබා දුන්නා. ඇයට අවශ්‍ය වූයේ සැබැවින්ම රෝද පුටුවක අවශ්‍යතාවය දැඩි ලෙසම පවතින කෙනෙකු හට උපකාර කිරීමටයි. මේ පරිත්‍යාගය ඔබ බලාපොරොත්තු වූ අයුරින්ම සිදු වූවායැයි අප විශ්වාස කරනවා.

මේ අම්මා ඉන්නේ නිවිතිගල. නම ඩී.එච්.ඒ රොසලින්. වයස අවුරුදු 83යි. රයිගල, පාතකඩ නිවිතිගල ලිපිනයේ ඉන්නේ. ඇස් පේන්නේ නැහැ. අංශභාගය හැදිලා ඉන්නේ.

අද ඔබ බොහෝමත්ම සතුටින් ඔබ හා අතිනත ගන්නා ඔබේ ස්වාමිපුරුෂයා හා එක්ව විවාහ දිනයේ සතුට හදවතින්ම විඳගනිද්දී මේ අම්මාත් ඉතා සතුටින් ඔබ ලබා දුන් රෝද පුටුවෙන් එහෙ මෙහෙ ආරක්ෂාකාරීව යනවා ඇති. අනේක වාරයක් ඈ ඔබට පින් දෙනවා ඇති. ඒ සියල්ල ඔබට අද දවසින් ඇරඹෙන අළුත් දිවියට ආශිර්වාදයක්ම වේවා…. ජීවිතයකට වාරුවක් රැකවරණයක් වූ පිනෙන් ඔබේත් ඔබේ ස්වාමිපුරුෂයාගේත් දිවියට නිදුක් නීරෝගි සුවය ලැබේවා… යන එන ගමන බිමන කරන කියන කටයුතු සියල්ලක්ම සාර්ථක වේවා…. ආදරය සෙනෙහස උතුරන සොඳුරු කැදැල්ලක සුවය හදවතින්ම විඳගන්නට ඔබ දෙපළටම හැකි වේවා… මේ සිදු කළා වූ කුසලයේ බලයෙන් ඔබේත් ඔබේ ස්වාමිපුරුෂයාගෙත් දෙමාපියන්ටත් මේ පින අත් වීමෙන් ඔවුන්ගේ ජීවිත ද නිදුක් නීරෝගී වේවා… දීර්ඝායුෂ ලබත්වා….

ඔබ වැනි පින්වන්ත බිරිඳක් ලද ඔහු සැබැවින්ම වාසනාවන්තයි. ඔහු හා එක්ව සසර පුරාවටම මෙසේ පින් දහම්හි යෙදෙමින් අවසානයේ උතුම් නිර්වාණ සම්පත්තිය ලබා ගැනීම පිණිස ඔබ දෙපළටම මෙම කුසලය හේතු වාසනා වේවා…

Happy Wedded Life !

අසරණ ආබාධිත තරුණයෙක්ට වායු මෙට්ටයක් පරිත්‍යාග කිරීම | මැදවච්චිය (Donating an Air Metress)

by Danesh Edirisooriya | May 17, 2017 | Disabled Person

Donor : ඉන්දුෂා සමූහ ව්‍යාපාරයේ අධිපති ඉඳුනිල් උදේශික අයියා තමයි මේ පිංකමට දායකත්වය දැක්වූයේ. ඔයාට ගොඩක් පිං අයියා.

වැඩි විස්තර සහ ඡායාරූප බලාපොරොත්තු වන්න…

ඔයාලටත් මේ වගේ අසරණ කෙනෙක්ට රෝදපුටුවක්, වතුර මෙට්ටයක් වැනි දෙයක් පරිත්‍යාග කරන්න අවශ්‍යයි නම් හෝ ඔබේ ගමේ අවශ්‍යතාවය ඇති අසරණ අය සිටීනම් කතා කරන්න අපිට…

Chat : m.me/Daneshmaduranga
Call : 0773366488 / 0703366488

Location : කෝන්ගොල්ලෑව, මැදවච්චිය, අනුරාධපුර දිස්ත්‍රික්කය

හඳුන්කූරූ විකුණා දරුවන් 3 දෙනෙක් රැකබලාගන්නා ආබාධිත පුද්ගලයෙක්ට රෝද 3ක රෝද පුටුවක් පරිත්‍යාග කිරීම

by Danesh Edirisooriya | May 12, 2017 | Disabled Person

මේ ඉන්නේ ඕ.ආර්. රංජිත් (45) මහතා. අවුරුදු 10කට කලින් කකුල් පණ නැතිවෙලා. දරුවෝ 3 දෙනෙක් ඉන්නවා. මයන්ත (13), සචින්ත් (8), නෙතුම් (4). බිරිඳ විමලා රත්නායක (38). අලුපොත, කඩේවත්ත, නිවිතිගල ලිපිනයේ ඉන්නේ. නෙතුම් පුතා අපි කලින් පාර යනකොටනම් හිටියා. මේ පාර යනකොට පුතාව ශාසනයට පූජා කරලා මහන කරන්න.

ගොඩක් අසරණ පවුලක්. ඉන්න හිටින්නවත් හරි හමන් තැනක් නැහැ. බොහොම අමාරුවෙන් දරුවන්ගේ අම්මා තේ දළු නෙළලා, තාත්තා හඳුන්කූරු හදලා විකුණලා ජීවත් වෙන්නේ. අපි මාස 1 1/2කට කලින් මේ අයව බලන්න ගියහම රෝද පුටුවක් දෙන්න තීරණය කලා. අපිට මාසයක කාලයක් ගියා ඔහුට ස්වයංරැකියාවක් කිරීමට අවශ්‍ය විදිහේ රෝද 3ක රෝද පුටුවක් විශේෂයෙන්ම නිර්මාණය කරන්න. අපි ඉදිරියේදී මොවුන්ට හඳුන්කූරු නිෂ්පාදනය ව්‍යාපාරයක් ආරම්භ කිරීමට උදව් කිරීමට බලාපොරොත්තු වෙනවා. ඔබට එයට සම්බන්ධ වෙන්න පුලුවන්.

පසුගිය දිනක අපි කොළඹ ඉඳන් නිවිතිගලට ලොරියක මේ රෝද පුටුව අරන් ගියා. විකුම් මිතුරා මට සහය වුණා මේ පවුල සොයාගෙන යන්න.

මේ සඳහා දායකත්වය දැක්වූයේ Dinesha Paranagama අක්කා සහ ඇගේ ආදරණීය ස්වාමිපුරුෂයා Rangika Somarathna අයියා.

මේ රෝද පුටුව පරිත්‍යාගය කරන්න විශේෂ වූ හේතු කිහිපයක් තිබ්බා. ඒ කලකට ඉහතදී මියගියා වූ බන්දුල සෝමරත්න පියාණන්ට හා පවුලේ මියපරලොව ගියා වූ සියලුම නෑදෑ හිතවතුන්ට පිං පැමිණවීම. ඉතින් ඒ කලා වූ කුසලය ඔබගේ පියාණන්ට හා ඔබ නමින් මිය පරලොව ගියා වූ නෑදෑ හිතමිත්‍රාදීන්ටත් අනුමෝදන් වි දුක් ඇති ආත්මයක ඉපදී ඇත්නම් සැපවත් ආත්මයක ඉපදීමටත් සැප ඇති ආත්මයක ඉපදී ඇත්නම් සැප සම්පත් වැඩි දියුණු වීමටත් හේතූ වාසනා වේවා.

ඒ වගේම අගෝස්තු 17වන දින උපන් දිනය සමරන Anudhi Somarathne පුංචි දියණියට මේ පින් අනුමෝදන් වේවා. ඇයට නිදුක් නීරෝගී සැපවත් ජීවිතයක් අත් වේවා. ඇයගේ ඉගෙනීම් කටයුතු සාර්ථක වේවා. ඇයට යම් ග්‍රහ අපල ඇත්නම් ඒවා දුරු වේවා. අවසාන වශයෙන් ඔබ පවුලේ සියලුම දෙනාට මේ පින් අනුමෝදන් වි දුකින් තොර සැපවත් ජීවිත අත් වීමටද සසර අවසානයේ අමා මහ නිවන් සුව අත් වීමටද හේතු වාසනා වේවා.

මාස 2කට ඉහතදී අපගේ සමාජසත්කාර.lk HOPE (One Call | Does All) Hotline එකට ලැබුණු ඇමතුමකට ප්‍රතිචාර ලෙසට තමයි අපි මේ පවුල සොයාගෙන ගියේ.

Location : නිවිතිගල , රත්නපුර දිස්ත්‍රික්කය

පියාණන්ට පිං පිණිස අසරණ ආබාධිත පුද්ගලයෙක්ට රෝදපුටුවක් පරිත්‍යාග කල Pragash Somasundaram අයියා

by Danesh Edirisooriya | May 6, 2017 | Disabled Person

Pragash අයියාගේ ආදරණීය පියාණන්, සෝමසුන්දරම් මහතා මෙලොවින් සමුඅරන් වසරක් පිරීම නිමිත්තෙන් අපි මේ අසරණ ආබාධිත අයියාට රෝදපුටුවක් පරිත්‍යාග කලා.

ඔහුගේ නම අරුලානන්ද ගේබ්‍රියල්, වයස අවුරුදු 37යි. පොඩි කාලේ ඉඳන්ම ඔහු ආබාධිතයි. අම්මයි තාත්තයි මුරුක්කු හදනවා. ඔහුත් ආබාධිතයි කියලා නිකන් ඉන්නේ නැහැ. පොල්කටු වලින් විවිධ විසිතුරු දේවල් නිර්මාණය කරලා විකුණනවා. අන්කඩවත්ත, පත්බෙරිය, පරකඩුව ලිපිනයේ තමයි මොහු ජීවත් වෙන්නේ. ඔහු සහ අම්මා නොසෑහෙන්න පිං දුන්නා මේ කලාවූ සත්කාරයට.

අපගේ සමාජසත්කාර.lk HOPE (One Call | Does All) Hotline එකට ලැබුණු ඇමතුමකට ප්‍රතිචාර ලෙසට තමයි අපි මොහු සොයාගෙන ගියේ.

මේ කලාවූ කුසලකර්මයේ බලමහිමයෙන් ඔබේ තාත්තාට නැවතත් මෙවන් අකල් මරණයක් මේ සසරේදී ඇති නොවේවා. එමෙන්ම එතුමා දුක් ඇති ආත්මයක ඉපදී ඇත්නම් සැපවත් ආත්මයක ඉපදීමටත්, සැපවත් ආත්මයක ඉපදී ඇත්නම් ඒ සැප වඩ වඩාත් වැඩි දියුණු වීමටත්, කෙලවර උතුම් වූ නිර්වාණ සම්පත්තිය අවබෝධ කරගැනීමටත් හේතු වාසනා වේවා…

Chamara Arunoda (ශමන්ති රවින්ද්‍රා) අක්කටත්/අයියටත් බොහොම පිං මේ පිංකමට ප්‍රගාශ් අයියට මග පෙන්නුවට. ඔබ සැමට තව තවත් මේ වගේ පිංකම් කිරීමට ශක්තිය ධෛර්යය ලැබේවා… ඔබ නිදුක් නීරෝගීව දිගුකල් ජීවත්වේවා. උපදිනා සෑම ආත්මයකම කිසිදු ලෙඩක් දුකක් ඇති නොවේවා… තෙරුවණ් සරණයි !

Location : පරකඩුව, රත්නපුර දිස්ත්‍රික්කය

Shashi Dissanayake මිතුරියගේ පවුලේ සැමට ආශිර්වාද පතා ආදිවාසි පවුලක දියණියකට කිහිලිකරු යුගලයක් පරිත්‍යාග කිරීම

by Danesh Edirisooriya | Apr 11, 2017 | Disabled Person

මේ දුවගේ නම මදුවාසිනී, වයස අවුරුදු 21යි. මීට අවුරුදු 11කට කලින් කකුලේ පිළිකාවක් හැදිලා කකුල කපලා ඉවත් කරලා. ආදිවාසි පවුලක දියණියක්. අම්පාර, මහ ඔය, පොල්ලේබැද්ද ගමේ ඉන්නේ.

ඉතිං පසුගිය අප්‍රේල් 9 වෙනිදා අපි මේ දුවට කිහිළි කරු යුගලයක් පරිත්‍යාග කලා. නොසෑහෙන්න පිං දුන්නා.

මේ කලාවූ කුසලකර්මයේ බලමහිමයෙන් ශශී අක්කාත්, ඔබ පවුලේ සියලුම දෙනාමත් නිදුක් නීරෝගීව දිගුකල් ජීවත්වේවා. උපදිනා සෑම ආත්මයකම කිසිදු ලෙඩක් දුකක් ඇති නොවේවා…

ඔබ නමින් මිය පරළොව ගිය යමෙක් දුක් ඇති ආත්මයක ඉපදී ඇත්නම් සැපවත් ආත්මයක ඉපදීමටත්, සැපවත් ආත්මයක ඉපදී ඇත්නම් ඒ සැප වඩ වඩාත් වැඩි දියුණු වීමටත්, කෙලවර උතුම් වූ නිර්වාණ සම්පත්තිය අවබෝධ කරගැනීමටත් හේතු වාසනා වේවා…

තෙරුවණ් සරණයි…

Location : මහ ඔය, අම්පාර