by Danesh Edirisooriya | Feb 9, 2019 | Disabled Person
Kavindu De Costa මිතුරාට අවශ්ය වුණා අසරණ ආබාධිත වැඩිහිටියෙක්ට පිහිට වෙන්න. ඉතිං අපි පසුගිය දිනක මැදවච්චිය, ඇටඹගස්කඩ ඉන්න අවුරුදු 75ක් වයසැති මේ ජී. කලුහාමි අම්මට රෝද පුටුවක් පරිත්යාග කලා. ඇය වැටිලා උකුල් ඇටය කැඩිලා දැන් අවුරුදු 12ක් තිස්සේ එක්තැන් වෙලා ඉන්නේ.
අපි රෝද පුටුව පරිත්යාග කලාට පසු ඇය විනාඩි 20ක් විතර එක දිගට ඇඬුවා හිතේ සතුටට. ඒ අම්මා ඔයාට ගොඩක් ආශිර්වාද කලා. ගොඩක් අසරණ අම්මා කෙනෙක්. පුංචි පැලක ජීවත් වෙන්නේ.
මෙලෙස අසරණ වී සිටින අයෙක් වෙනුවෙන් රෝදපුටුවක් පරිත්යාග කරමින් මේ රැස් කරගත්තාවූ කුසලයේ ආනිසංසයන් ඔබටත් පවුලේ අනෙක් සියලුම දෙනාටත් නිදුක් නීරෝගී වාසනාවන්ත දිවියක් උදා වේවා…. සතුට සැනසුම සෞභාග්යය නිරන්තරයෙන්ම ඔබ සැමගේ ජීවිත වලට ලැබේවා…. කරන කියන කටයුතු සියල්ලක්මත් පතන පැතුමන් සියල්ලක්මත් ඒ අයුරින්ම ඉටු වේවා… මේ පුණ්ය කර්මය නිර්වාණ සම්පත්තියටද හේතු වාසනා වේවා.
මේ පිංකමට ශ්රම දායකත්වය දැක්වූ මහේෂ් අයියාට සහ ලහිරු මල්ලීටත් බොහොමත්ම පිං.
Donor : Kavindu De Costa (Manela Karunadasa)
Project ID : 2019-JAN-0037
by Danesh Edirisooriya | Feb 6, 2019 | Disabled Person
වත්සලා අක්කගේ ආදරණීය මෑණියන්, තෙරේසා මහත්මිය සහ නැන්දා, විනිතා මහත්මියට පිං පිණිස අක්කට ඕනෑ කලා අසරණ ආබාධිත කෙනෙක්ට රෝද පුටුවක් පරිත්යාග කරන්න.
පසුගිය දිනක සමාජසත්කාර.lk HOPE (One Call | Does All) Hotline එකට ඇමතුමක් ආවා මැදවච්චිය, ඇටවීරගොල්ලෑව තාත්තා කෙනෙක්ට රෝදපුටුවක් අවශ්යයි කියලා.
මේ අම්මගේ නම ජී. පුංචි බණ්ඩා. වයස අවුරුදු 70යි. වැටිලා උකුල් ඇටේ කැඩිලා ඇවිදින්න බැහැ. ගොඩක් අසරණ කෙනෙක්. බල කියාගන්න කෙනෙක් නෑ. තාත්තට අපි ඉදිරියේදී රෝද 3ක රෝදපුටුවක් පරිත්යාග කරන්න බලාපොරොත්තු වෙනවා. මොකද එතකොට ගෙවල් ගානේ ගිහින් හරි මොනව හරි ඉල්ලගන්න පුලුවන්.
අනේ තාත්තට රෝද පුටුව දුන්නහම අඬ අඬා පිං දුන්නේ. මං වත්සලා අක්කගේ ඡායාරූපයක් පවා පෙන්නුවා තාත්තට. තාත්තා අක්කගේ ෆොටෝ එකක් ඉල්ලනවා ලඟ තියාගන්න. වැන්දා ෆෝන් එකේ ෆොටෝ එකට අත් දෙක එකතු කරලා. රෝද පුටුවේ වාඩි වුනෙත් පුටුවට වැඳලා. බලන්න කොච්චර හදවතට දැනිලද මේ පරිත්යාගය.
අක්කේ, ඔබ මේ සිදුකල කුසලයේ ආනුභාවයෙන් පරලෝ සැපත් ඔබේ ආදරණීය අම්මා සහ නැන්දා දුක් ඇති ආත්මයක ඉපදී ඇත්නම් සැපවත් ආත්මයක ඉපදීමටත්, සැපවත් ආත්මයක ඉපදී ඇත්නම් ඒ සැප වඩ වඩාත් වැඩි දියුණු වීමටත්, කෙලවර උතුම් වූ නිර්වාණ සම්පත්තිය අවබෝධ කරගැනීමටත් හේතු වාසනා වේවා…
වත්සලා අක්කටත් ගොඩක් පිං මේ පිංකමට සම්බන්ධ වුණාට. තව තවත් මේ වගේ පිංකම් කිරීමට ශක්තිය ධෛර්යය ලැබේවා… ඔබ නිදුක් නීරෝගීව දිගුකල් ජීවත්වේවා. උපදිනා සෑම ආත්මයකම කිසිදු ලෙඩක් දුකක් ඇති නොවේවා… තෙරුවණ් සරණයි !
මේ පිංකමට ශ්රම දායකත්වය දැක්වූ මහේෂ් අයියාට සහ ලහිරු මල්ලීටත් බොහොමත්ම පිං.
Donor : W P Ranpati Dewage
Project ID : 2019-JAN-0019
by Danesh Edirisooriya | Jan 11, 2019 | Disabled Person
මේ තාත්තගේ නම U. ජයසේන. මැදවච්චිය, ඇටවීරගොල්ලෑව ඉන්නේ. වයස අවුරුදු 54යි. ඇවිදින්න අපහසුයි, අංශභාග තත්වයක් නිසා. දැනට ආයුර්වේද වෛද්ය ප්රතිකාර ගන්නවා. දරුවෝ මේ තාත්තව අතහැරලා ඇවිදින්න බැරි නිසා. වෙන ගෙදරක තමයි දැනට ජීවත්වෙන්නේ. හොඳින් හිටිය කාලේ ගොවිතැන් කරලා ජීවත් වුනේ. නමුත් ඇවිදින්න බැරි වුණාට පස්සේ මේ තාත්තා ගොඩක් අසරණ වුණා. ඉතිං අපි මේ තාත්තගේ අපහසුතා බලලා මේ තාත්තට ඇවිදින්න වාරුවක් විතරක් නෙමෙයි සවියක් වෙන විදිහට රෝද තුනේ විශේෂයෙන් සකසන ලද රෝද පුටුවක් අපි පරිත්යාග කරා. මේ තාත්තට සාමාන්ය රෝද පුටුවක් වැදගත් වෙන්නෙ නැත්තේ ඔහු බොහෝ වෙලාවට ගෙයක් ගෙයක් ගානේ ගිහින් තියෙන විදිහට දෙයක් ඉල්ලගෙනයි එදා වේල හොයාගන්නෙ. ඉතින් ඒකට මහමඟ යන්න පුළුවන් විදිහේ රෝද පුටුවක් අවශ්ය වෙනවා. ඉතින් මේ උපකාරය ඔහුට කෙතරම් වටිනවද කියලා අමුතුවෙන් කිව යුතු නැහැ.
මේ පරිත්යාගය කලේ විශේෂ හේතුවකට. ඒ තමයි ජනවාරි 30 වෙනි දිනට යෙදිලා තියෙන සුධීර සහන් මිතුරාගේ උපන්දිනය වෙනුවෙන්. උපන්දිනය වෙනුවෙන් මුදල් වියදම් කරලා සතුටු වෙනවට වඩා තවත් කෙනෙක්ගේ සතුටක් වෙනුවෙන් කැපවෙන එක, තවත් අසරණ කෙනෙක්ගේ ජීවිතයට සවියක් වන එක ගොඩක් වටිනවා.
මේ පින ඔබට අත් වීමෙන් නිදුක් නීරෝගී සුවබර දිවියක් උරුම වේවා… කරන කියන කටයුතු රැකී රක්ෂා කටයුතු අධ්යාපන කටයුතු වේ නම් ඒ සියල්ලක්ම සර්වප්රකාරයෙන්ම සාර්ථක වේවා… නීරෝගී දරු සම්පත් හිමිවේවා. සිතේ සතුට සැනසුම නිරතුරුවම රැඳේවා… පින්වන්ත දිවියක් ගත කිරීම උදෙසා අවැසි ආශිර්වාදය ශක්තිය මේ උතුම් පුන්යකර්මයේ ආනිසංස බලයෙන් ඔබට හිමි වේවා… සසර පුරා නිවන් දක්නා තුරා මෙසේ කුසල් රැස් කරන්නටද අවසානයේ උතුම් වු නිර්වාණාවබෝධය ලැබීමටත් මෙම කුසලය හේතු වේවා…
මේ පිංකමට සමාජසත්කාර කණ්ඩායමේ Chathura Prasangaද සහය දක්වූවා. ඔබටත් බොහොම පිං.
සුභ උපන්දිනයක් අයියේ…
by Danesh Edirisooriya | Dec 16, 2018 | Disabled Person
මීට ටික කලකට ඉහතදී සමාජසත්කාර.lk HOPE (One Call | Does All) Hotline එකට ඇමතුමක් ආවා මැදවච්චිය, හිරල්ලුගම ගමේ අපේ සම්බන්ධීකාරක සිසිර අයියාගෙන් රෝදපුටුවක් අවශ්ය තාත්තා කෙනෙක් හිරල්ලුගම ගමේ ඉන්නවා කියලා.
යූ. ඥානසේන තාත්තගේ වයස අවුරුදු 63යි. ගොවිතැන් කරලා ජීවත් වුනේ. ඒත් අංශභාගය නිසා මේ තාත්තා එක්තැන් වෙලා ඉන්නේ. අපි මේ තාත්තට රෝදපුටුවක් පරිත්යාග කලා. දරුවොත් විවාහ වෙලා වෙන්වෙලා ගිහින්. දැන් බොහොම අමාරුවෙන් තමා මේ තාත්තාව බලාගෙන ඒ අම්මා ජීවිතේ ගැටගහගන්නේ.
ඔහුගේ පවුලේ අය සහ ඔහු නොසෑහෙන්න පිං දුන්නා. නොසෑහෙන්න ආශිර්වාද කලා. ඒ හැම ආශිර්වාදයකම සැබෑ හිමිකාරිය මේ රෝද පුටුව පරිත්යාග කල Yasintha අක්කයි.
ඔබ මේ කලාවූ පුණ්යකර්මය හේතුවෙන් ඔබේ අනාගතය සර්වප්රකාරයෙන්ම සාර්ථක වේවා. රැකියාව, විවාහ ජීවිතය සාර්ථක වේවා. නීරෝගී දරු සම්පත් හිමිවේවා.
මේ පුණ්යකර්මය නිර්වාණ සම්පත්තියටද හේතුවාසනා වේවා. දැකබලා සතුටුවන ඔබටද මේ පිංකම අනුමෝදන් වෙත්වා.
මේ පිළිබඳව විස්තර ලබාදුන් හිරල්ලුගම ගමේ සිසිර අයියාටත්, ව්යාපෘතියට ශ්රම දායකත්වය දැක්වූ Chathura මල්ලීටත්, කංචන අයියාටත් බොහොම පිං.
Location : හිරල්ලුගම, මැදවච්චිය
by Danesh Edirisooriya | Dec 16, 2018 | Disabled Person
මේ ඉන්නේ කේ. රන්හාමි අම්මා. වයස අවුරුදු 100යි. ඉන්නේ මැදවච්චිය කිරිගල්ලෑව, ගල්ලෑලිගම ගමේ. ගොවිතැන් කරලා ජීවත්වුනේ. ඒ අම්මගේ දුවත් එක්ක දැනට ඉන්නේ. හරි හමන් ආදායම් මාර්ගයක් නැහැ. අම්මගේ ඇස් පේන්නේ නැහැ. අංශභාගේ හැදිලා ඉන්නේ. අඩු තරමේ සමෘද්ධියවත් ලැබෙන්නේ නැහැ.
අපි මේ අම්මට රෝද පුටුවක් පරිත්යාග කලා. අම්මා සහ එයාගේ දුව නොසෑහෙන්න පිං දුන්නා. නොසෑහෙන්න ආශිර්වාද කලා. ඒ හැම ආශිර්වාදයකම සැබෑ හිමිකරුවන් වන්නේ මේ රෝද පුටුව පරිත්යාග කල Sameera Ruwanwali අක්කා සහ අයියාටත් පසුගිය දිනක උපන්දිනය සැමරූ ඔවුන්ගේ මව සහ පියාටත්ය. (Sunanda Gunarathna සහ Gunarathna Bandara) සැප්තැම්බර් 26 සහ ඔක්තෝම්බර් 9 වෙනි දින තමයි ඔවුන්ගේ උපන්දින යෙදිලා තිබුණේ.
අක්කේ/අයියේ මේ කලාවූ පුණ්යකර්මය හේතුවෙන් ඔබේ ආදරණීය මව සහ පියා නිදුක් නීරෝගීව බොහෝ කාලයක් ජීවත් වේවා. එමෙන්ම ඔබ දෙපළගේ අනාගතය සර්වප්රකාරයෙන්ම සාර්ථක වේවා. රැකියාව, විවාහ ජීවිතය සාර්ථක වේවා. නීරෝගී දරු සම්පත් හිමිවේවා.
මේ පුණ්යකර්මය නිර්වාණ සම්පත්තියටද හේතුවාසනා වේවා. දැකබලා සතුටුවන ඔබටද මේ පිංකම අනුමෝදන් වෙත්වා.
මේ පිළිබඳව විස්තර ලබාදුන් හිරල්ලුගම ගමේ සිසිර අයියාටත්, ව්යාපෘතියට ශ්රම දායකත්වය දැක්වූ Chathura මල්ලීටත්, කංචන අයියාටත් බොහොම පිං.
අම්මේ, තාත්තේ ඔබ දෙපළට සුභම සුභ උපන්දිනයක්…
ව්යාපෘතිය ප්රමාදවීම පිලිබඳව සමාව අයදිනවා. මාගේ අසනීප තත්වය නිසා ව්යාපෘතිය සිදුකිරීමට තරමක් ප්රමාද වුණා.
Location : ගල්ලෑලිගම, මැදවච්චිය
by Danesh Edirisooriya | Sep 29, 2017 | Disabled Person
Irosha Sajeewani Kristhogu Baduge ෆේස්බුක් මිතුරිය විසින් සැප්තැම්බර් 29 වෙනි දිනට යෙදී තිබෙන ඇගේ උපන්දිනය වෙනුවෙන් අසරණ ආබාධිත අය වෙනුවෙන් අත්වාරු, කිහිලිකරු හෝ රෝදපුටුවක් පරිත්යාග කිරීමට අවශ්ය බව පැවසුවා. ඇය අනතුරකට මුහුණ පා එයින් පසුව ඇති වූ පාදයේ ආබාධය හේතුවෙන් දෙපා යුගලක ඇති වටිනාකම ඈ හොඳින්ම දන්නා බවත් අපට පැවසුවා. ඒ අනුව ඇගේ උපන්දිනය වෙනුවෙන් එම ඉල්ලීම ඉටු කරමින් මේ අසරණ ආබාධිත ආච්චි අම්මා වෙනුවෙන් කිහිළිකරු යුගලයක් පරිත්යාග කරා.
මේ ආච්චි අම්මාට එක කකුළකට බර දීලා ඇවිදින්න බැහැ. පොඩි දුරක් අමාරුවෙන් ඇවිද්දත් ගොඩක් දුර ඇවිදිද්දි වේදනාව එනවා කියලා ඈ අපට කිව්වා. කිහිළිකරු නිසා දැන් පහසුවෙන් යන්න පුළුවන් කියලා ඇය බොහෝම සතුටින් පිං දුන්නා.
ඒ වගේම මේ අත්තම්මාට චීත්තයක්ද පරිත්යාග කරා. ඇය ඉන්නෙත් බොහෝම අසරණ තත්වයක නිසා අළුත් චීත්තයක් ගන්න මුදල් ඈ ළඟ නැහැ. අරන් දෙන්න දරුවන්ටත් හැකියාවක් නැහැ. ඉතින් ලැබෙන මේ වගේ පරිත්යාගයකින් මිස මෙවන් තිළිණයක් කිසිදා ලැබෙන්නෙ නෑ මේ මව්වරුන්ට. ඒ නිසාමදෝ ඇගේ ඇස් වල කඳුළු පිරී තිබෙන අයුරු අපි දුටුවා. ඒ සතුටු කඳුළු බව අප හොඳින්ම දන්නවා.
“දෙපා වල ඇති වටිනාකම මම හොඳින්ම දන්නවා. ඒ නිසා මට දෙපා වාරු නැති අසරණ අයට පිහිටක් වෙන්න ඕන.” මේ ඇගේ පැතුමයි. උපන්දිනය දවසේ පාටි වෙනුවට ඇයට අවශ්ය උනේ අසරණ කෙනෙක්ට පිහිට වෙන්නයි. එයයි සැබෑම ආශිර්වාදය. මේ උතුම් කටයුත්ත තුළින් රැස් කරගත් කුසලයන්ගේ බලයෙන් ඔබේ ශාරීරික පීඩාවන් සියල්ලක්ම වහා පහව යේවා… නිදුක් නීරෝගී සුවය උදා වේවා…. දෙපා වලට වාරුවක් සවියක් වූ සේම මෙම කුසලයෙන් ඔබේ දිවිමඟට අවැසි ශක්තිය ධහිරිය ලැබේවා…. සිතන පතන යම් කටයුත්තක් වේ නම් ඒ සියල්ලක්ම සර්වප්රකාරයෙන්ම සාර්ථක වේවා…. සතුට සැනසුම සෞභාග්යය නිරතුරුවම ඔබේ දිවියට උදා වේවා….
ඔබට සුභ උපන්දිනයක් අක්කේ…
මේ පිංකමට මගේ සහෝදරිය Nilanthi Edirisooriya ශ්රම දායකත්වය දැක්වූවා.
Page 2 of 6«12345...»Last »