පවුල් 10කට ස්වයංරැකියා ලබාදීමේ පළමු පියවර

by Danesh Edirisooriya | Jun 29, 2017 | Self Employment

“සහස්නා” ඇපරල් | “Sahasna” Apparel (A Virtuous Associate of Samajasathkara.lk) – Sustaining Rural Families

අඩු ආදායම්ලාභී පවුල් වලට ස්වයංරැකියා ලබාදීමේ අරමුණින් සහ අඩු ආදායම් ලාභී පවුල් වල කාන්තාවන්ට රැකියා අවස්ථා ලබාදීමේ අරමුණින් ආරම්භ කල සහස්නා ඇපරල් ජූලි මාසය තුල පවුල් 10කට ස්වයංරැකියා ලබාදීම සඳහා පළමු ඇඳුම් තොගය මැසීම ආරම්භ කලා.

ඇස් පේන්නේ නැති මිහිරංග පුතාගේ පියාට ස්වයංරැකියාවකට සහය ෆේස්බුක් මිතුරන්ගෙන්… (ඉබ්බාගමුව)

by Danesh Edirisooriya | Aug 26, 2016 | Self Employment

මේ කවුද කියලා මගේ ෆේස්බුක් මිතුරු මිතුරියන්ට අඳුන්වලා දෙන්න අවශ්‍ය නැහැනේ. අපි අද සවස 5ට මේ අයව බලන්න ගියා. මේ පියාගේ ඉල්ලීම මත ස්වයංරැකියාවක් සඳහා පින්තූර කාඩ් 800ක්, වෝල් ස්ටිකර් 15ක් සහ පෙන් හෝල්ඩර්ස් 10ක් ලබාදුන්නා. මේවා විකිණීමෙන් මොහුට ශුද්ධ ලාභය රු.75,000ක් පමණ ලබන්න පුලුවන්. මම ඔහුට විවිධ විකුණුම් ක්‍රමවේදයන් කිහිපයක්ද කියා දුන්නා. බොහොම ස්තූතියි කියා ඔහු පැවසුවා. මේ සඳහා දායකත්වය දැක්වූ ඔබ සැමට බොහොමත්ම පිං.

ෆේස්බුක් මිත්‍රත්වයේ ශක්තියෙන් ආරම්භ කල දිනෙන් දින දියුණුවට පත්වෙන රම්‍යා (ARS) ඇපරල්ස්

by Danesh Edirisooriya | Aug 26, 2016 | Self Employment

ගමේ කඩේට රෙදි මහලා දමපු රම්‍යාලතා දැන් ෆේස්බුක් එකේ මිතුරන්ගේ උදව්වෙන් රම්‍යා ඇපරල්ස් මගින් ශ්‍රාවස්තිපුර ඇඟලුම් සාප්පු කිහිපයකට ඇඳුම් මහලා දමන්න පටන් අරන්. අපි මේ අයට බඩු අරන් දීලා දැන් දින 13ක් වෙනවා. එදා සිට අද වෙනකම් පාන්දර වෙනකම් දෙදෙනාම වැඩ කරලා කඩ කිහිපයකට ඇඳුම් දාලා රු.15,000ක ආදායමක් ලැබුවලු. අජිත් මහත්තයත් ආබාධිත වුනාට අතින් මහන්න පුලුවන් මැෂිමෙන් මහනවා. පුංචි රෙදි කෑල්ලක්වත් අහක දාන්නේ නැහැලු. ඉතිරිවෙන කොටස් වලින් යට ඇඳුම් හරි මහනවලු. උදව් කල හැමෝටම නොසෑහෙන්න පිං දුන්නා. මටත් හරි සතුටුයි ඔවුන් දියුණු වෙනවා දකිනකොට….
ව්‍යාපාරයත් ලියාපදිංචියට දාලා තියෙන්නේ.
මොවුන් ඉක්මනින්ම පොඩියට හරි කිහිප දෙනෙක් දාලා ගාමන්ට් එකක් පටන්ගන්නවා කියලා මට විශ්වාසයි…
උදව් කල මගේ මිතුරන්ට බොහොමත්ම පිං…

ෆේස්බුක් මිතුරන්ගේ එකතුවෙන් දරුවන් 8 දෙනෙක් ඉන්න පවුලක් වෙනුවෙන් ආරම්භ කල “වාසනා Concrete Works”

by Danesh Edirisooriya | Jul 13, 2016 | Self Employment

ඔයාලට මතකනේ අපි මේ අයට බ්ලොක්ගල් වැඩපලක් දාලා දුන්නා. මීට කලින් පවුල් වලට අපි නිවස හදලා තමයි ස්වයංරැකියාවක් ලබාදුන්නේ. මෙහි තත්වයේ අපි පොඩි වෙනසක් කලේ මුදල් හමුවේ වෙනස්වෙන මිනිසුන් ඉන්නා බව මාගේ සමහර ව්‍යාපෘති වලදී මට හැඟී ගිය බැවිනි. මොහුගේ බ්ලොක්ගල් සඳහා තවම වෙළඳපලක් නිර්මාණය වෙලා නැහැ. ඔහු බ්ලොක්ගල් 1000කට වැඩි ප්‍රමාණයක් කපලා තිබුණා. නමුත් මම අද දිනයේ මොහුගේ බ්ලොක්ගල් උඩුබද්දාව ප්‍රදේශයේ පවතින මිළටම මිළදීගත්තා. ඒ වෙන දෙයකට නෙමෙයි මොහුගේම නිවස හදන්න භාවිතා කරන්න. මෙහිදී මා සිදුකලේ Immediate Market එකක් නිර්මාණය කරදීම පමණි. දැන් දිනෙන් දින ඔහුගේම මහන්සියෙන් සාදන බ්ලොක්ගල් වලින් ඔහුගේ නිවස ගොඩනැගේවි. බොහොම අමාරුවෙන් ආයෙත් බාසුන්නැහැ කෙනෙක් හොයාගත්තා. මීට සති 4කට කලින් ෆේස්බුක් දැමූ පෝස්ට් එකකින් තමා මිතුරෙක්ගේ උදව්වෙන් මේ බාසුන්නැහැ සොයාගත්තේ.
ඔයාලට පේනවා ඇති මම මගේ ෆෝන් එකෙන් දරුවන්ට යමක් පෙන්වනවා. ඒ පෙන්වන්නේ ඔවුන්ගේ නිවස අවසාන වන විට පෙනෙන ආකාරයයි… දරුවෝ ගොඩාක් සතුටෙන්…
ඒ අතර පසුගිය දිනක අකුණක් ගහලා මැෂින් එකේ ප්‍රශ්නයක්ලු. මම කීවා වයරින් එක පරීක්ෂා කරන්න කියලා. මාස 3කටත් වැඩී ඒක පුද්ගල ව්‍යාපාරයක් ලියාපදිංචිය සඳහා ඉල්ලුම් කරලා. තාම කිසි ප්‍රතිචාරයක් නැහැ ප්‍රාදේශීය ලේකම් කාර්‍යාලයෙන්.

සමාජසත්කාර බ්ලොක්ගල් වැඩපළ – දිළිඳු පවුල් වලට ස්වයං රැකියා පහසුකම් සැලසීම (Project ජීවනාලෝක)

Location : උඩුබද්දාව, කුලියාපිටිය

ෆේස්බුක් මිතුරන්ගේ එකතුවෙන් දරුවන් 8 දෙනෙක් ඉන්න පවුලක් වෙනුවෙන් ආරම්භ කල “වාසනා Concrete Works”

by Danesh Edirisooriya | May 11, 2016 | Self Employment

උඩුබද්දාව බ්ලොක්ගල් වැඩපලේ වැඩ ආරම්භ කලා. දරුවන්ගේ තාත්තා පුදුම සතුටකින් ඉන්නේ. පිං දෙනවා හැමෝටම. දැන් ගඩොල් කපනවා. දවසට 100ක් වගේ තමා කපන්නේ. වැස්ස නිසා මේ ටිකේ පොඩ්ඩක් අපහසුයි. අනික එයත් අසනීපෙන්නේ. මාස 2ක් තිස්සේ විදුලිය ගන්න විදුලිබල මණ්ඩලයෙන් ඉල්ලා සිටියත් තාමත් දීලා නැහැ. ගෙදරින් වයර් එකක් ඇදලා දැනට වැඩ. අල්ලපු ගෙදරින් ලියුමක් ගේන්න කිව්වලු සප්ලයි එක දෙන්න. ඒ ගෙදර අයගේ අවසරය ඕනලු ඒ අයට කරදරයක් නෑ කියලා. අනේ මන්දා හැම ප්‍රශ්නයක්ම පොඩි මනුස්සයටයි. ගෙදරට විදුලිය තිබ්බේ නැතිනම් ඉතිං මේ මනුස්සයා මොනා කියලා කරන්නද…
සිමෙන්ති කොට්ටයකින් දැනට බ්ලොක්ගල් 90ක් හදනවලු. මම කීවා කිසිම හේතුවකට ප්‍රමිතිය බාල කරන්න බෑ කියලා. මොකද මේ ව්‍යාපාර තියෙන්නේ සමාජසත්කාර නාමය යටතේ නිසා.
බ්ලොක්ගල් වැඩපල ඒක පුද්ගල ව්‍යාපාරයක් විදිහට ප්‍රාදේශීය ලේකම් කාර්යාලයේ ලියාපදිංචි කරන්න ඉල්ලුම් කරලා තියෙන්නේ.
ඊලඟ වතාවේ මම ඒ අයට නාම පුවරුවක්, බිල් පොතක් සකසා දෙනවා. ඒත් සමඟම බ්ලොක්ගල් වල ප්‍රමිතිය මා විසින්ම පරික්ෂා කරන්න බලාපොරොත්තු වෙනවා. අහඹු ලෙස තෝරගත් ගඩොල් කිහිපයක් පීඩනයට ඔරොත්තු දෙන ආකාරය සොයා බලනවා.
මම යන්න ලැහැස්ති වෙනකොට තාත්තට කීවා ෆොටෝ එකක් ගන්න එන්න කියලා. මම එයාගේ කරට අත දැම්මහම කීවා “අනේ මහත්තයා දාඩිය” කියලා. මම කීවා කමක් නෑ, මහන්සි වෙලා වැඩ කරලා ආපු දාඩියනේ කියලා.
එයාගෙන් බ්ලොක්ගල් කපන්න අපි හදවපු අඹ ලෑල්ලකුත් ඉල්ල ගත්තා, මොකද මේ විදිහෙම වැඩපලක් පොලොන්නරුවෙත් අපි ආරම්භ කරනවනේ…

බලන්න දරුවන්ගේ මූණුවල තියෙන සිනහව… මගේ ෆේස්බුක් යාලුවෝ හැමෝටම ගොඩක් පිං… ඔයාලා නිසයි මේ පවුල අද සතුටෙන් ඉන්නේ.

ඔත්පල අම්මාට සවියක් වෙන්නට මහන මැෂිමක් ලබාදුන් ෆේස්බුක් මිතුරෝ | Donating a Sewing Machine

by Danesh Edirisooriya | Mar 22, 2016 | Self Employment

ඔයාලට මතකයිනේ සේනපුර ඉන්න මේ අම්මයි, දුවයි. ඊයේ (මාර්තු 21) අපි මේ අයට ෆේස්බුක් මිතුරන්ගේ දායකත්වයෙන් මහන මැෂිමක් පරිත්‍යාග කලා. අම්මා ගොඩක් සතුටෙන්. උදව් කල හැමෝටම පිං දුන්නා. මහන්සි වෙලා පාගන්න බැරි නිසා අපි මෝටරයකුත් සවි කරලා දුන්නේ. ව්‍යාපාරයක් මූලිකව ආරම්භ කිරීමට අවශ්‍ය රෙදි, නූල් සහ තවත් අවශ්‍ය රෙදි මිළදී ගැනීමට රු.5,000ක මුදලක්ද ලබාදුන්නා.
මේ අම්මා පහුගිය දවසක රෝහලේ නතර වුණානේ ප්‍රතිකාර ගන්න, දැන් යම් සුවයක් තියෙනවා. රෝදපුටුවෙන් නැගිටලා හැරමිටියක් ආධාරයෙන් ඇවිදින්න පුලුවන්.
දුවට සාමාන්‍ය පෙළ විභාගය සඳහා සතුටුදායක ප්‍රතිඵල නැති නිසා උසස් පෙළ කරන්න බැහැ. නැවත සාමාන්‍ය පෙළ කරන එක ගැනත් විශ්වාසයක් තියන්න අපහසුයි. සමහරවිට ඇය ඇඳුම් මැසීම ස්වයංරැකියාවක් ලෙස ඉදිරියට කරගෙන යාවි.