by Danesh Edirisooriya | Jan 12, 2019 | Water Needs
ඔක්කම්පිටිය කියන්නේ මොණරාගල දිස්ත්රික්කයේ ඉතාමත් දුෂ්කර ප්රදේශයක්. අපි ඔක්කම්පිටිය, ගල්ටැම්මණ්ඩිය පන්සලට වතුර ටැංකියක් පරිත්යාග කලා.
මේ විහාරස්ථානයට මෙලෙස ජල ටැංකියක් පරිත්යාග කරමින් උපන්දිනය බොහෝමත්ම අර්ථාන්විත ලෙස සැමරීමට කටයුතු කලේ මාගේ කළ්යාණ මිතුරකු වන සුධීර සහන් මිතුරායි. උපන්දිනය සැමරීමට සාදයකට වඩා වටින්නේ මෙවන් උතුම් පරිත්යාගයන් බව බොහෝම හොඳින් අවබෝධ කොට ගත් ඔහු විසින් මෙසේ ඔහුගේ දායකත්වය දක්වමින් මෙම පරිත්යාගය සිදු කළා. ස්වාමීන්වහන්සේට මෙහි වටිනාකම කියා නිම කළ නොහැකි තරම්. වසරේ වැඩි කාලයක් නියඟය පවතින ප්රදේශයක පිහිටි මෙම පන්සලට ජලය එක් රැස් කරගන්න ක්රමයක් තිබෙන එක ඉතාමත් වටිනා බව පන්සලේ විහාරාධිපති ස්වාමීන්වහන්සේ පැවසුවා. ඔබට ආශිර්වාද කලා.
ඔබ ඔබගේ උපන්දිනය වෙනුවෙන් වියදම් කරන මුදල ඔබටම ආයෝජනයක් වීමට නම් ඊට සුදුසුම ක්රමය මෙසේ උතුම් වූ වටිනා පරිත්යාගයන් සිදු කිරීමයි. එය යම් දිනෙක ඔබේ ජීවිතයට ආශිර්වාදයක්ම වන කිසිදා නිම නොවන ආයෝජනයක් වනවා. මෙසේ උපන්දිනය වෙනුවෙන් විහාරස්ථානයකට පිරිසිදු පානීය ජලය ලබා ගැනීම පිණිස ජල ටැංකියක් පරිත්යාග කර රැස් කරගත්තාවූ කුසලයේ ආනුභාවයෙන් ඔබට නිදුක් නීරෝගී සුවය ලැබේවා… කිසිදු කාය චිත්ත පීඩාවක් නොම වේවා…. සතුට සැනසුම සෞභාග්යය සපිරි අනාගතයක් උදා වේවා…. දීර්ඝායුෂ ලබත්වා…. අවසානයේ උතුම් වූ ධර්මාවබෝධය පිණිසද මෙම කුසලය හේතු වේවා….
සුභ උපන්දිනයක් අයියේ…
by Danesh Edirisooriya | Jan 11, 2019 | Disabled Person
මේ තාත්තගේ නම U. ජයසේන. මැදවච්චිය, ඇටවීරගොල්ලෑව ඉන්නේ. වයස අවුරුදු 54යි. ඇවිදින්න අපහසුයි, අංශභාග තත්වයක් නිසා. දැනට ආයුර්වේද වෛද්ය ප්රතිකාර ගන්නවා. දරුවෝ මේ තාත්තව අතහැරලා ඇවිදින්න බැරි නිසා. වෙන ගෙදරක තමයි දැනට ජීවත්වෙන්නේ. හොඳින් හිටිය කාලේ ගොවිතැන් කරලා ජීවත් වුනේ. නමුත් ඇවිදින්න බැරි වුණාට පස්සේ මේ තාත්තා ගොඩක් අසරණ වුණා. ඉතිං අපි මේ තාත්තගේ අපහසුතා බලලා මේ තාත්තට ඇවිදින්න වාරුවක් විතරක් නෙමෙයි සවියක් වෙන විදිහට රෝද තුනේ විශේෂයෙන් සකසන ලද රෝද පුටුවක් අපි පරිත්යාග කරා. මේ තාත්තට සාමාන්ය රෝද පුටුවක් වැදගත් වෙන්නෙ නැත්තේ ඔහු බොහෝ වෙලාවට ගෙයක් ගෙයක් ගානේ ගිහින් තියෙන විදිහට දෙයක් ඉල්ලගෙනයි එදා වේල හොයාගන්නෙ. ඉතින් ඒකට මහමඟ යන්න පුළුවන් විදිහේ රෝද පුටුවක් අවශ්ය වෙනවා. ඉතින් මේ උපකාරය ඔහුට කෙතරම් වටිනවද කියලා අමුතුවෙන් කිව යුතු නැහැ.
මේ පරිත්යාගය කලේ විශේෂ හේතුවකට. ඒ තමයි ජනවාරි 30 වෙනි දිනට යෙදිලා තියෙන සුධීර සහන් මිතුරාගේ උපන්දිනය වෙනුවෙන්. උපන්දිනය වෙනුවෙන් මුදල් වියදම් කරලා සතුටු වෙනවට වඩා තවත් කෙනෙක්ගේ සතුටක් වෙනුවෙන් කැපවෙන එක, තවත් අසරණ කෙනෙක්ගේ ජීවිතයට සවියක් වන එක ගොඩක් වටිනවා.
මේ පින ඔබට අත් වීමෙන් නිදුක් නීරෝගී සුවබර දිවියක් උරුම වේවා… කරන කියන කටයුතු රැකී රක්ෂා කටයුතු අධ්යාපන කටයුතු වේ නම් ඒ සියල්ලක්ම සර්වප්රකාරයෙන්ම සාර්ථක වේවා… නීරෝගී දරු සම්පත් හිමිවේවා. සිතේ සතුට සැනසුම නිරතුරුවම රැඳේවා… පින්වන්ත දිවියක් ගත කිරීම උදෙසා අවැසි ආශිර්වාදය ශක්තිය මේ උතුම් පුන්යකර්මයේ ආනිසංස බලයෙන් ඔබට හිමි වේවා… සසර පුරා නිවන් දක්නා තුරා මෙසේ කුසල් රැස් කරන්නටද අවසානයේ උතුම් වු නිර්වාණාවබෝධය ලැබීමටත් මෙම කුසලය හේතු වේවා…
මේ පිංකමට සමාජසත්කාර කණ්ඩායමේ Chathura Prasangaද සහය දක්වූවා. ඔබටත් බොහොම පිං.
සුභ උපන්දිනයක් අයියේ…
by Danesh Edirisooriya | Dec 16, 2018 | Disabled Person
මීට ටික කලකට ඉහතදී සමාජසත්කාර.lk HOPE (One Call | Does All) Hotline එකට ඇමතුමක් ආවා මැදවච්චිය, හිරල්ලුගම ගමේ අපේ සම්බන්ධීකාරක සිසිර අයියාගෙන් රෝදපුටුවක් අවශ්ය තාත්තා කෙනෙක් හිරල්ලුගම ගමේ ඉන්නවා කියලා.
යූ. ඥානසේන තාත්තගේ වයස අවුරුදු 63යි. ගොවිතැන් කරලා ජීවත් වුනේ. ඒත් අංශභාගය නිසා මේ තාත්තා එක්තැන් වෙලා ඉන්නේ. අපි මේ තාත්තට රෝදපුටුවක් පරිත්යාග කලා. දරුවොත් විවාහ වෙලා වෙන්වෙලා ගිහින්. දැන් බොහොම අමාරුවෙන් තමා මේ තාත්තාව බලාගෙන ඒ අම්මා ජීවිතේ ගැටගහගන්නේ.
ඔහුගේ පවුලේ අය සහ ඔහු නොසෑහෙන්න පිං දුන්නා. නොසෑහෙන්න ආශිර්වාද කලා. ඒ හැම ආශිර්වාදයකම සැබෑ හිමිකාරිය මේ රෝද පුටුව පරිත්යාග කල Yasintha අක්කයි.
ඔබ මේ කලාවූ පුණ්යකර්මය හේතුවෙන් ඔබේ අනාගතය සර්වප්රකාරයෙන්ම සාර්ථක වේවා. රැකියාව, විවාහ ජීවිතය සාර්ථක වේවා. නීරෝගී දරු සම්පත් හිමිවේවා.
මේ පුණ්යකර්මය නිර්වාණ සම්පත්තියටද හේතුවාසනා වේවා. දැකබලා සතුටුවන ඔබටද මේ පිංකම අනුමෝදන් වෙත්වා.
මේ පිළිබඳව විස්තර ලබාදුන් හිරල්ලුගම ගමේ සිසිර අයියාටත්, ව්යාපෘතියට ශ්රම දායකත්වය දැක්වූ Chathura මල්ලීටත්, කංචන අයියාටත් බොහොම පිං.
Location : හිරල්ලුගම, මැදවච්චිය
by Danesh Edirisooriya | Dec 16, 2018 | Disabled Person
මේ ඉන්නේ කේ. රන්හාමි අම්මා. වයස අවුරුදු 100යි. ඉන්නේ මැදවච්චිය කිරිගල්ලෑව, ගල්ලෑලිගම ගමේ. ගොවිතැන් කරලා ජීවත්වුනේ. ඒ අම්මගේ දුවත් එක්ක දැනට ඉන්නේ. හරි හමන් ආදායම් මාර්ගයක් නැහැ. අම්මගේ ඇස් පේන්නේ නැහැ. අංශභාගේ හැදිලා ඉන්නේ. අඩු තරමේ සමෘද්ධියවත් ලැබෙන්නේ නැහැ.
අපි මේ අම්මට රෝද පුටුවක් පරිත්යාග කලා. අම්මා සහ එයාගේ දුව නොසෑහෙන්න පිං දුන්නා. නොසෑහෙන්න ආශිර්වාද කලා. ඒ හැම ආශිර්වාදයකම සැබෑ හිමිකරුවන් වන්නේ මේ රෝද පුටුව පරිත්යාග කල Sameera Ruwanwali අක්කා සහ අයියාටත් පසුගිය දිනක උපන්දිනය සැමරූ ඔවුන්ගේ මව සහ පියාටත්ය. (Sunanda Gunarathna සහ Gunarathna Bandara) සැප්තැම්බර් 26 සහ ඔක්තෝම්බර් 9 වෙනි දින තමයි ඔවුන්ගේ උපන්දින යෙදිලා තිබුණේ.
අක්කේ/අයියේ මේ කලාවූ පුණ්යකර්මය හේතුවෙන් ඔබේ ආදරණීය මව සහ පියා නිදුක් නීරෝගීව බොහෝ කාලයක් ජීවත් වේවා. එමෙන්ම ඔබ දෙපළගේ අනාගතය සර්වප්රකාරයෙන්ම සාර්ථක වේවා. රැකියාව, විවාහ ජීවිතය සාර්ථක වේවා. නීරෝගී දරු සම්පත් හිමිවේවා.
මේ පුණ්යකර්මය නිර්වාණ සම්පත්තියටද හේතුවාසනා වේවා. දැකබලා සතුටුවන ඔබටද මේ පිංකම අනුමෝදන් වෙත්වා.
මේ පිළිබඳව විස්තර ලබාදුන් හිරල්ලුගම ගමේ සිසිර අයියාටත්, ව්යාපෘතියට ශ්රම දායකත්වය දැක්වූ Chathura මල්ලීටත්, කංචන අයියාටත් බොහොම පිං.
අම්මේ, තාත්තේ ඔබ දෙපළට සුභම සුභ උපන්දිනයක්…
ව්යාපෘතිය ප්රමාදවීම පිලිබඳව සමාව අයදිනවා. මාගේ අසනීප තත්වය නිසා ව්යාපෘතිය සිදුකිරීමට තරමක් ප්රමාද වුණා.
Location : ගල්ලෑලිගම, මැදවච්චිය
by Danesh Edirisooriya | Nov 19, 2018 | Stationary Donation
මාගේ ෆේස්බුක් මිතුරියක් වන Hiruni Yatiwella විසින් ඇගේ දියණිය Iyana Wimalasena ගේ උපන්දිනය වෙනුවෙන් දුෂ්කර ගම්වල වෙසෙන දරුවන්ට පාසල් උපකරණ පරිත්යාග කර දියණියට ආශිර්වාද පැතීමට කටයුතු කළා. අධ්යාපන තුළින් හෝ මේ දරුවන්ගේ ජීවිත වල තියෙන අසරණ බවින් මිදෙන්නට නම් හරි හැටි අධ්යාපනය ලබන්නට පොත පත හෝ ඔවුනට ලැබිය යුතු වනවා. නමුත් ඒ වෙනුවෙන් වියදම් කරන්නට මිල මුදල් ඔවුන් සතුව නැහැ. මේ දරුවන්ගේ දෙමාපියන් මත පැටවී ඇති ජීවිතේ බරත් එක්ක එවැන්නක් වෙනුවෙන් මුදල් යොදවන්නය හැකියාවක් ඔවුනට නැහැ.
ඉතින් එවන් වූ දරුවන් වෙනුවෙනුයි අපට හැකි අයුරින් ඔවුන්ගේ අධ්යාපන කටයුතු මැනවින් ඉටු කරගැනීම උදෙසා අළුත් පාසල් උපකරණ තිළිණ කරන්නට යෙදුනේ. තම දියණිය වෙනුවෙන් මෙවැන්නක් සිදු කරමින් තවත් දරුවකුගේ අධ්යාපනය වෙනුවෙන් සවියක් වීමට සිතීම තුළින් ඔබ ගුණවත් නැණවත් පින්වන්ත මවක් බව මනාව පසක් වනවා. දහස් ගණනින් වියදම් කොට ලබා දිය නොහැකි ඉතා වටිනා තිළිණයක් ඔබ අද ඔබේ දියණියට ලබා දී තිබෙනවා.
ඉතින් මේ පුංචි මල් කැකුළු වලට අනාගතය ජය ගන්න නිසි පරිදි අධ්යාපනය ලබන්නට අද දවසේ ඔබ විසින් දැක්වූ මෙම සහයෝගය හේතු කොටගෙන රැස් කරගත්තාවූ කුසලානිසංසයන්ගේ බලයෙන් ඔබේ දියණියගේ අනාගතය සර්වප්රකාරයෙන්ම සාර්ථක වේවා… යසසින් නැණ නුවනින් ධාරණ ශක්තියෙන් වැඩෙත්වා…. කරන කියන සෑම කටයුත්තක්ම සර්වප්රකාරයෙන්ම සාර්ථක වේවා…. මෙවන් කටයුත්තක් සිදු කළ ඔබටත් ඔබේ පවුලේ සෑම සියළු දෙනාටත් උපන්දිනය සමරන ඔබේ ආදරණීය දියණියටත් නිදුක් නීරෝගී සුවය ලැබේවා…. කිසිදු කාය චිත්ත පීඩාවක් නොම වේවා… සතුට සැනසුම සෞභාග්යය උදා වේවා…. සිතන පතන යම් පැතුමක් වේ නම් ඒ සියල්ල සිතන පතන අයුරින්ම ඉටු වේවා… උතුම් තුනුරුවනේ ආශිර්වාද බලයෙන් ඔබ සැමගේ ජීවිත වාසනාවන්ත වේවා….