නිවස කපරාරු කර අවසන්. පේමන්ට් එකේ 20%ක් විතර අවසන් කරන්න තියේ. බිම සිමෙන්ති දාන්න තියේ. දොර, ජනෙල් සවි කරන්න තියේ. දරුවෝ ගොඩක් සතුටෙන් ඉන්නේ.
වැඩ කෙරෙන වේගය ගැනනම් මගේ සතුටක් නැහැ. ඒත් ඉතිං මට ඒ වෙනුවෙන් කරන දෙයක් නැහැ. සතිපතා වියදම් කරගෙන බලන්න එන්න වෙනවා. මොකද එක සතියක් නාවොත් වැඩ නතර වෙනවා. ;-(
මෙතෙක් කතාව…
මේ පවුල ඉන්නේ මීරිගම. දරුවෝ 3 දෙනෙක් ඉන්නවා. පොඩි දූට වයස අවුරුදු 8යි, ලොකු දූට 13යි, පුතාට 18යි. පුතා මේ අවුරුද්දේ උසස්පෙළ කරනවා.
වට්ටි වියලා තමයි දරුපවුල රැකගන්නේ. තාත්තට රැකියාවක් කරගන්න බැහැ. ගහකින් වැටිලා.
ගොඩක් අසරණ පවුලක්. හිටිය ගේ වැස්සට කඩා වැටිලා. දැන් පුංචි පැලක මේ 5 දෙනා ජීවත් වෙන්නේ.
දරුවෝනම් හරි සතුටෙන් ඉන්නේ. වැස්සට කලින් නිවස හදාගන්න පුලුවන් වුන එක ලොකු දෙයක්… ඒ හැම දෙයක්ම ෆේස්බුක් මිතුරෝ නිසයි…
Location : Mirigama
